چاء مدینے دے

عبدالحمید نظامی

رہندے میرے دل وچ ہر دم چاء مدینے دے
سال بسالی سوہنیا ٹکٹ دوا مدینے دے
چنتا تیرے در دی ہن تے ایسی لگ گئی اے
دل چاہندائے مُڑ مُڑ سفر کرا مدینے دے
رحمت رب دی رَچ ِمچ گئی دل وچ اودوں دی
دل چاہندا اے جلوے ہور وکھا مدینے دے
آسرا بن جائے میرا وی قدماں والے پاسے
سوہنیا ایسے حیلے کوئی بنا مدینے دے
حاضری دے کے اس در دی جد میں واپس آیا
یاراں آکے آکھیا حال سُنا مدینے دے
سجن میرے عاشق تیرے ملن تے کہندے نیں
یار نظامیؔ سانوں شعر سُنا مدینے دے