برتھ ڈے گفٹ

نوید شہزاد

بولنا سکھ کے میں جو مونہوں
پہلا اکھر آکھیا سی
اوہنوں لبھدا پھرنا واں
اِس واری، تینوں تیری سالگرھا تے
میں اوہ اکھر دینا چاہناں
مینوں یاد اے،میں اوہ اکھر
تڑفدی ہوئی وا دے اتے لکھیا سی
،مینوں تد ایہ آکھیا گیا سی
“وا نوں گِنیا جا سکدا اے”
فر کئی واری، میں کئی واری
چلد ی وا دی گنتی کیتی
وا نے مینوں گننا چاہیا
میرے ہر اِک لوں وچ
سو سوبلے اترے، حملا آور ہر بلا باوردی
پر، میں کد گِنیا جا سکدا ساں
!ہندسیاں ورگیے
تیرے جیوندیاں رہن دا کارن مک جاندا
جے میں گِنیا جاندا
جے میں مِنیا جاندا
میں کد گِنیا جا سکداساں
پہلا اکھر لبھن دے لئی
ہن فیر وا نوں گِننا چاہناں
توں دھرتی دے اتے آپنی
اِک دکھ ہور وچھا دے
وا نے میرے لوں لوں وچوں
تے میں وا وچوں کِرنا واں
مونہوں نکلن والا پہلا
اکھر لبھدا پھرنا واں
تینوں تیری سالگرھا تے دیون لئی