غزل
عاشق
اج کل ایتھے کدھرے سچا یار نہیں لبھدا
بھاویں جناں مرضی لبھو پیار نہیں لبھدا
انج دا موسم آیا سارے بھسے پے گئے
کسے دے چہرے اُتے ذرا نکھار نہیں لبھدا
لٹن والے لکھاں‘ ہر کوئی ڈاکو بنیا
دل نوں دوے تسلی اوہ اعتبارنہیں لبھدا
جھوٹھے وعدے جھوٹھیاں قسماں دا کیہ کریئے
جہڑا فیر نہ ٹٹے اوہ اقرار نہیں لبھدا
انج تے سارے لوکی ڈنگ ٹپا لیندے نیں
جتھے یار وی ہووے اوہ گھر بار نہیں لبھدا
سبھے دکھ دیاں گلاں دس دس پئے ڈراندے
عاشق ورگا ساتھی تے دلدار نہیں لبھدا
Load/Hide Comments