نعت شریف
عبدالحمید نظامی
ثروت دا اعجاز نعلین مبارک نیں
رازاں وچوں راز نعلین مبارک نیں
آقا دے نعلین موسیٰ دے جوڑیاں وچ
اک طرئہ امتیاز نعلین مبارک نیں
اُچھلے نال خشی ، سنے جوڑیاں آ جائو
جس دم سنی آواز نعلین مبارک نیں
اوہ نوری قدماں دی واہ ٹور نرالی اے
ویکھے سب انداز نعلین مبارک نیں
خبرے کناں چر ، کنج سوہنیا پیراں دے
چکے ہون گے ناز نعلین مبارک نیں
ویکھدے رہے ہوسن انداز نبوت دے
سارے کیف گداز نعلین مبارک نیں
وچ حشر نظامیؔ جی دین گواہی میری
کرنی ایں پرواز نعلین مبارک نیں
Load/Hide Comments