غزل

ڈاکٹر امان اللہ خان

میں ویکھاں پیا امان نوں جہڑا رجھیا وچ جہان
جہنوں بھُل گئیاں نیں دن راتاں جہندا دھندیاں ول دھیان
اوہ کولھو جوتا بلداں جہنوں چکراں توں نہیں ویلھ
پیا گھماں پچھ نوں پھڑ اپنی تے پھراں کتوریاں میل
اوہو اٹھنا سانجھ سویری اوہو مڑنا گھپ انھیر
گل پیاں بھسوڑیاں جھیلاں میں کیہ جلدی تے کیہ دیر
ایہ دنیا چار دیہاڑی اے مٹ جانا سب نے یار
نہیں آونا مڑ کے چنا! توں کجھ کر لے سوچ وچار
کجھ دیر تاں بہہ کے لے ساں نہیں مُکنے کاج امان
کدی سنگھ لے پھُل گلاب دے وی تے جی لے میری جان