شاہ میراں دستگیرؓ

عبدالحمید نظامی

منگتے آں اسیں شاہ میراں دستگیرؓ دے
غوثِ جیلانی سوہنے پیران دے پیر دے
جہڑا اوہدے در تے جاوے
جھولی اپنی بھر لے آوے
لیکھ فیر سدھے ہندے اوہدی تقدیر دے
منگتے آں اسیں شاہ میراں دستگیرؓ دے
وچ بغداد دے جھنڈا گڈیا
چوراں نوں کر قطب اُس چھڈیا
ہوئے نیں کرم سوہنے روشن ضمیر دے
منگتے آں اسیں شاہ میراں دستگیر دے
سوہنے آقا پنجتن والے
دین نبیﷺ دے دیوے بالے
ہو جائے کرم نانویں شبرّوشبیر دے
منگتے آں اسیں شاہ میراں دستگیر دے
بیڑا میرا بنیّ لادے
دید نظامیؔ تائیں کرادے
کرو چا نشانے ہن نظراں دے تیر دے
منگتے آں اسیں شاہ میراں دستگیر دے