اپنا بنا کے گل نال لا کے

عبدالحمید نظامی

بابا فرید گنجِ شکر دا توں پیارا ایں
خواجہ معینؒ دی اکھ دا توں تارا ایں
اکھ دا توں تارا ایں ، اپنا بنا کے گل نال لا کے
تیرے کول چشتیاں دا آقا فیض جاری اے
ہوراں رنگاں نالوں آقا تیرا رنگ بھاری اے
تیرا رنگ بھاری اے ،اپنا بنا کے گل نال لا کے
چشتی میخانے جہڑا اک واری آیا اے
تیرے ہتھوں پیتی تے سرُور بڑا آیا اے
سرُور بڑا آیا اے ،اپنا بنا کے گل نال لا کے
اک واری آقا جنے تیرے نال لائی اے
مزہ نہیں اوہ آیا بھانویں پھر لئی خدائی اے
پھر لئی خدائی اے ،اپنا بنا کے گل نال لا کے
اک واری شاہا تیری گلی جو وی لنگھیا
بابا تیرے پیار والے رنگ گیا رنگیا
رنگ گیا رنگیا ،اپنا بنا کے گل نال لا کے
نام سردار عالم نسب گیلانی ایں
سخی اے گھرانہ تیرا در لاثانی ایں
در لاثانی ایں ،اپنا بنا کے گل نال لا کے
میرے اُتے آقا للہ کرم کما دیو
جھولی نظامیؔ وچ خیر ہن پا دیو
خیر ہن پا دیو ،اپنا بنا کے گل نال لا کے