میراں جی غوث الاعظمؓ

عبدالحمید نظامی

میراں جی غوث الا عظمؓ شاہ ابدال واہ وا
پیراں دے پیر سوہنے میرے لج پال واہ وا
حسنی گیلانی سیّد غوثِ ثقلین نیں
اکھیاں دے نور میرے دل دا اوہ چین نیں
ٹھیڈے نہیں کھان دیندے لنیدے سنبھال واہ وا
پیراں دے پیر سوہنے میرے لج پال واہ وا
منیا اے مرشد میں سوہنے سوہنے پیر نوں
غم کوئی اون نہ دیندے اپنے فقیر نوں
میراں دا میرے اُتے کرم کمال واہ وا
پیراں دے پیر سوہنے میرے لج پال واہ وا
میراںؓ یاحضرت میراںؓ جسدم پکارنا
مشکل دے ویلے جد وی واجاں میں مارنا
اپنے دیوانے دا اوہ رکھدے خیال واہ وا
پیراں دے پیر سوہنے میرے لج پال واہ وا
میراں جی تیرے بناں میری کوئی گل نہیں
تیرے بغیر ہونی مشکل کوئی حل نہیں
کیتا سوالی دا توں رد نہ سوال واہ وا
پیراں دے پیر سوہنے میرے لج پال واہ وا
حمید نظامیؔ سگ تیرا سداوندا
تیرے ای نام دا ایہ صدقہ ہے کھاوندا
عشق تیرے دی آتش سینے لئی بال واہ وا
پیراں دے پیر سوہنے میرے لج پال واہ وا
ولیاں نال ویر جہدا اوہدی کوئی زندگی اے
رکھے جو دل وچ کینہ اوہدی کوئی بندگی اے
منہ تے پھٹکار پیندی اوہدا نہیں حال واہ وا
پیراں دے پیر سوہنے میرے لج پال واہ وا
پڑھ کے نمازاںجہدے دل نوں سکون نہیں
عشق محمدﷺ اُوہدا آٹے وچ لون نہیں
پایا شیطان اوہدے اُتے ہے جال واہ وا
پیراں دے پیر سوہنے میرے لج پال واہ وا