پودے لائو۔۔۔۔ نسلاں دا مستقبل تابناک بنائو سرسبز پاکستان دی خاطر ہر اک نوں پودا لانا ہوئے گا

انجمن حمایت اسلام طبیہ کالج کمیٹی دے چیئر مین حکیم عزیز الرحمن جگرانوی نے طبیہ کالج وچ سر سبز پاکستان وژن دے مطابق شجر کاری مہم دا آغاز پودا لا کے کیتا

رپورٹ ۔ پروفیسر حکیم سید عمران فیاض

یہ آخری درختوں بہت یاد آئے گا
اس راستے میں جب کوئی سایہ نہ پائے گا
عالم اروح توں ای آدم تے درختاں دا رشتہ چلیا آ رہیا اے۔ حضرت آدم علیہ اسلام نوں شجر ممنوعہ دا پھل کھان دی وجہ نال ای جنت توں بے دخل کیتا گیا۔ شجر عربی زبان دا لفظ اے جس دے معنی درختاں یا پیڑ دے نیں ۔ کار دے معنی کم دے نیں ایس لئی شجر کاری دا مطلب درخت لان دے کم دے نیں جس نوں اسیں اپنے ہتھاں نال سرانجام دینے آں شجر کاری دی اہمیت تے افادیت توں کوئی وی انکار نہیں کر سکدا۔ جتھے ساڈے ساریاں لئی تعلیم دے نال نال صحت مند سرگرمیاں جاری رکھنا بوہت ضروری اے۔ اوتھے اپنی تے اپنی آن والی نسلاں دے روشن تے صحت مند مستقبل لئی تازہ و صحت افزا ماحول دی وی بوہت ضروری اے جس لئی وطن عزیز دا سرسبز ہونا بوہت ضروری اے۔
بقول شاعر
کوئی بھی رُت ھو چمن چھوڑ کر نہیں جاتے
چلے بھی جائیں پرندے ، شجر نہیں جاتے
وزیراعظم عمران خان دا وی سابقہ حکومتاں وانگوں مشن اے کہ ملک نوں سر سبز بنانا اے ایس مقصد لئی ہر سال شجر کاری مہم شروع کیتی جاندی اے خاص طور تے شہراں دے درجہ حرارت نوں بہتر رکھن لئی ودھ توں ودھ درخت لان دی لوڑ اے۔ بقول شاعر
تم نے دیکھا ھے کبھی اک نظر شام کے بعد
کتنے چپ چاپ سے لگتے ھیں شجر شام کے بعد
ملک وچ شجر کاری مہم دا آغاز کر دتا گیا اے۔ وزیراعظم عمران خان نے لہور وچ اربن فارسٹ دا افتتاح وی کیتا۔ لہور جیلانی پارک وچ اربن فارسٹ دے حوالے نال تقریب ہوئی سی جتھے وزیراعظم عمران خان نے پودا لایا۔
الیکٹرانک و پرنٹ میڈیا وچ وی شجر کاری مہم دے حوالے نال حکومتی ترجیحات تے عوامی شعور نوں اجاگر کرن دے سلسلے وچ کوئی دقیقہ فزوگزاشت نہیں رکھیا جا رہیا۔
پاکستان وچ جدوں وی کوئی حکومت برسر اقتدار آ ئی ایس نے اپنی ترجیحات وچ شجر کاری مہم دے حوالے نال خصوصی اقدامات کرن دا بیڑہ چکیا۔ پر باعث حیرانگی امر سے کہ شجر کاری مہم کدی وی عوامی توقعات اُتے پورا نہیں اتر سکی۔ دوجے پاسے عوام وی شجر کاری مہم نوں سنجیدگی دے نال نہیں لے رہی ایس سلسلے وچ عوام تے حکومتی اداریاں نوں مل جل کے اقدامات کرنے ہون گے۔ کیوں جے شجر کاری مہم ساڈی آن والی نسلاں دے روشن مستقبل دی ضامن اے ایس حوالے نال حکومت پاکستانیاں نوں ملک وچ شجر کاری ایمرجنسی نافذ کرنے ہوئے گی تاکہ وطن عزیز دا ہر بندا اپنے ہتھاں نال گھٹ توں گھٹ اک پودا ضرور لائے۔ بقول شاعر
کل رات جو ایندھن کیلئے کٹ کے گرا ھے
چڑیوں کو بہت پیار تھا اس بوڑھے شجر سے
شجر کاری مہم دے حوالے نال مختلف تھاواں اُتے سماجی، سیاسی، ثقافتی، صحافتی، طبی تے تعلیمی اداریاں ولوں وی شجر کاری مہم دا آغاز کیتا گیا۔
برصغیر دی 135 سالہ پرانی طبی درسگاہ انجمن حمایت اسلامک طبیہ کالج لہور وچ حکیم عزیز الرحمن جگرانوی چیئر مین طبیہ کالج کمیٹی نے وزیراعظم پاکستان تے وزیراعلیٰ پنجاب دے وژن سر سبز پاکستان نوں اگے ودھاندے ہوئے کالج وچ پودا لا کے شجر کاری مہم دا آغاز کیتا۔ جس وچ صدر انجمن جسٹس ر غلام محمود قریشی ۔ جسٹس ر سخی حسین بخاری ۔ مرزا خادم حسین جرال ۔ میاں محمد منیر ۔ پروفیسر ڈاکٹر غضنفر علی سرھندی ۔ پروفیسر ڈاکٹر شوکت علی ۔ سہیل محمود بٹ ۔ پروفیسر چوھدری ریاض الحق ۔ پروفیسر نعیم احمد صدیقی نے شرکت کیتی ۔
اک شجر ایسا محبت کا لگایا جائے
جسکا ہمسائے کے آنگن میں بھی سایہ جائے