ججاں دی تقرری اک مذاق

جنوبی ایشیاء دے کئی ملکاں وچ عدلیہ دی کارکردگی دی صورت حال پاکستان دے مقابلے وچ کدھرے بہتر اے

محمّد شہزاد بھٹی بہاولنگر

پاکستان دی اعلیٰ عدلیہ وچ ججاں دی سینیا رٹی دے اصول دے برعکس تقرر دا مقاملہ شدت اختیار کر گیا۔ سپریم کورٹ وچ ججاں دی تقرری دا معاملہ بحث سپریم کورٹ دی اک خالی نشست لئی سندھ ہائی کورٹ دے پنجویں نمبر دے جج جسٹس محمد علی مظہر دا ناں ساہمنے آن توں بعد شروع ہوئی۔ وکلا دی نمائندہ تنظیماں نے جنہاں وچ پاکستان بار کونسل شامل اے سپریم کورٹ وچ تقرری لئی سینیارٹی دے اصول یا سینیئر ججاں نوں نظر انداز کرن اُتے شدید رد عمل دا اظہار کیتا۔ وکلاء تنظیماں ولوں سندھ ہائی کورٹ توں جویئر جج نوں سپریم کورٹ وچ تقرر کرن اُتے مکالفت جاری سی کہ ایسے دوران لہور ہائیکورٹ دی جسٹس عائشہ اے ملک نوں سپریم کورٹ وچ جج مقرر کرن لئی جوڈیشل کمیشن دا اجلاس بلا لیا گیا۔ جسٹس عائشہ اے ملک لہور ہائی کورٹ وچ سینیارٹی دے اعتبار نال چوتھے نمبر اُتے نیں۔ سپریم کورٹ وچ تقرر لئی چیف جسٹس سندھ ہائیکورٹ نوں نظر انداز کرن دے ہن چیف جسٹس لہور ہائیکورٹ جسٹس امیر بھٹی نوں وی تقرر نہیں کیتا گیا۔ پاکستان بار کونسل نے جسٹس عائشہ اے ملک دے ممکنہ تقرر دی وی مخالفت کیتی اے تے ایہنوں ایہناں دے مطابق ایس اصول دی خلاف ورزی قرار دتا اے جس دے تحت ہائی کورٹ دے سینئر جج ای سپریم کورٹ وچ تعینات ہو سکدے نیں۔ وکلا تنظیماں دا موقف اے کہ سپریم کورٹ وچ تقرر دے معاملے اُتے سینیارٹی دے اصول دی مکمل پاسداری کیتی جائے تے جونیئر ججاں نوں سینیارٹی دے برعکس سپریم کورٹ لے کے جان دا کوئی جواز نہیں۔ ایسے تقریب وچ سینئر وکلاء نے سپریم کورٹ سابقہ جسٹس ثاقب نثار نوں وی تنقید دا نشانہ بنایا تے حالیہ جسٹس گلزار احمد نوں وی وکلا دا کہنا ایہہ سی کہ جدوں من پسند قسم دے ججاں نوں پاکستان دی اعلیٰ عدالت سپریم کورٹ وچ تعینات کیتا جائے گا تے ایہناں توں من پسند دی قسم دے ای فیصلے لئے جان گے۔ ثاقب نثار دی گل کردے ہوئے کہیا کہ جس طرح ثاقب نثار نے اپنے آخری دناں وچ حیات گرینذ ٹاور نوں ریگولر ائز کیتا بنی گالہ نوں ریگولایز کیتا۔ اوہ ای ثاقب نثار نے غریباں دے دو ، دو مرلے دے گھر ڈیگ دتے سندھ دے سینئر وکیل نے گل کردے ہوئے کہیا کہ ایہہ جسٹس اسلام آباد دے مہنگے ترین علاقیاں وچ پلاٹ الاٹ کروا لیندے نیں پر ایہناں نوں ججاں نے غریباں دے نکے نکے گھر کراچی وچ ڈیگ دتے جنہاں دے اسیں عینی شاہد آں جس نال لکھاں لوک ہن گھر جہی نعمت توں محروم ہو چکے نیں۔ پاکستان سپریم کورٹ بار ایسوسی ایشن دے سابق صدر قاضی انور نے کہیا، انصاف دا تقاضا ایہہ وے کہ انصاف ہوندا ہویا نظر آئے پاکستان وچ عام بندے لئی انصاف دا حصول خواب ای اے جتھے مقدمے دا فیصلہ آن وچ 15 توں 20 سال لگ جاندے نیں۔ مدعی انصاف منگدا ای مر جاندا اے ملک وچ لکھاں مقدمے زیر التوا نیں سینئر قانون دان حامد خان نے اپنے خطاب وچ دسیا کہ وقار سیٹھ نے مینو ں وکیل مقرر کیتا جسٹس گلزار نے جسٹس وقار سیٹھ دا 6 مہینے تیکر کیس نہیں لگن دتا۔ چیف جسٹس گلزار اسٹیبلشمنٹ دا سب توں وڈا مہرہ اے۔پاکستان دے سینئر وکلا جس طرح سابقہ چیف جسٹس ثاقب نثار تے حالیہ چیف جسٹس گلزا ر احمد دے کارنامے دس رہے نیں تے واقع ای پاکستان وچ کسے شہری نوں انصاف نہیں مل سکدا، اک وکیل نے ایتھوں تیکر کہیا کہ ایہہ جسٹس صاحبان سب توں اعلیٰ قسم دی مراعات پُرکشش تنخواہواں لین دے بعد وی ہفتے وچ صرف چار دیہاڑ تے ہر دن تن گھن ٹے لئی عدالت وچ آندے نیں۔لکھاں کیس عدالتاں وچ پینڈنگ پئے نیں جے ایہہ مسئلے ایہناں ججاں نے حل نہیں کرنے تے یہہ کس لئی عدالتاں وچ بیٹھے نیں پاکستان دے سینئر وکیلاں دا عدالتاں اُتے عدم اعتماد تے الزامات لانا تے پاکستانی عوام نوں جیہڑے پہلے ای انصاف ناانصافی دا شکار اے اک گھمبیر صورتحال وچ دھکیل چکیا اے کیوں جے اسیں آپ وی ویکھنے آں کہ اسٹیبلشمنٹ اعلیٰ عدلیہ توں من مرضی دے فیصلے کرواندی اے تے جیہڑے ایہناں دی مرضی دا فیصلہ نہیں دیندا ایس نوں کم کرن توں ای روک دتا جاندا اے جسٹس شوکت صدیقی دی مثال ساڈے اگے اے۔ عدلیہ دی کارکردگی اُتے اک عالمی تحقیق وچ 128 ملکاں وچوں پاکستان 120 نمبر اُتے آ گیا اے۔ امریکا دے ورلڈ جسٹس پروجیکٹ دے تحت پچھلے کئی ورھیاں توں دنیا دے مختلف ملکاں وچ عدلیہ دی کارکردگی تے عدالتی نظاماں متعلق اعداد و شمار جمع کیتے جاندے نیں۔دنیا دے اک 128 ملکاں دے ڈیٹا اُتے مشتمل ایس ادارے نے ایس سال اپنی جیہڑی تفصیلات جاری کیتیاں نیں ایہناں وچ قانون دی بالادستی یارول آف لاء اک انتہائی اہم انڈکس اے۔ ایس تحقیق دے مطابق جنوبی ایشیاء دے کئی ملکاں وچ عدلیہ دی کارکردگی دی صورت حال پاکستان دے مقابلے وچ کدھرے بہتر اے۔ رول آف لاء انڈکس دے مطابق نیپال اپنی عدلیہ دی کارکردگی دے لحاظ نال 61 ویں، سری لنکا 66 ویں تے بھارت 69 ویں نمبر اُتے وے پاکستان ایس ویلے انصاف دی فراہمی دے حوالے نال دنیا دے 128 ملکاں دی فہرست وچ 120 نمبر اُتے ای ایس رینکنگ وچ پاکستان توں تھلے افغانستان اے، جس دا 122 واں نمبر بن دا اے۔ جدوں ثاقب نثار تے جسٹس گلزار جہے لوک پاکستان وچ جسٹس تعینات ہون گے تے پاکستان وچ انصاف دی فراہمی دی رینکنگ کنج بہتر ہوئے گی۔ پاکستان دے سابقہ چیف جسٹس ثاقب نثار جیہڑے عدل و انصاف دے معاملات پشت پا کے انتظامی معاملات وچ مداخلت کردے رہے اپنے اختیارات دا ناجائز فائدہ چکدے رہے۔ ثاقب نثار انتظامی معاملات دخل اندازی کردے رہے۔ پاکستان وچ پانی دی قلت دا ماحول بنا کے ڈیم لئی پیسہ اکٹھا کر کے جیب وچ پایا۔ منرل واٹر دی کمپنیاں نوں ڈرا کے فیر ایہناں توں رشوت لے کے چپ ہو گئے۔ اپنے ذاتی مفاد لئی غریب مریضاں لئی بنائے گئے ادارے پاکستانی کڈنی اینڈ لیور سنٹر (PKLI) نوں بند کروا دتا۔ ملک ریاض دی جیہڑی منی لانڈرنگ لندن وچ پھڑی گئی سی پاکسعتان دے قومی خزانے وچ جمع کروان دی بجائے ایسے دے اکائونٹ وچ جمع کروا دتی ملک ریاض دے ہزاراں ایکڑ زمین اُتے قبضہ کرن وچ مدد کیتی ثاقب نثار نے ذاتی دلچسپی لیندے ہوئے ملک وچ غریباں دے گھر کروائے پر اوتھے حیات گرینڈ ٹاور بنی گالہ نوں ریگولایز کیتا تے اپنے اختیارات دا اناجائز استعمال کیتا۔جدوں ایس طرح دے کارنامے وچ ملک دے چیف جسٹس صاحبان کرن گے تے ملک وچ انصاف نہیں نا انصافی عام ہوئے گی دنیا پاکستان نوں شک دی نظر نال غریب پاکستانیاں دی وجہ نال نہیں بلکہ ناانصافی دی وجہ نال تے ایہناں کرپٹ ججاں تے جرنیلاں دی وجہ نال ویکھدی اے۔