ڈاکٹر محمد اجمل خان تے معرکہ منصُورپور چھینٹانوالہ

حکیم سید عمران فیاض

نظام کائنات اے جو ایس دنیا وچ آیا اوہ جان لئی آیا ۔ لاتعداد بندگان خدا پیدا ہوندے نیں تے ایس دنیا فانی توں کوچ کر جاندے نیں پر دنیا والے ایہناں نوں جلدی فراموش کر دیندے نیں پر محمد اجمل خان ایس عظیم محب الوطن شخصیت دا ناں اے جنہاں نے تحریک پاکستان وچ بھرپور حصہ لیا۔ آپ تحریک آزادی لئی جدوجہد کردے ہوئے پٹیالہ توں ہجرت کر کے پاکستان آئے ایس دوران ایہناں دے خاندان دے بیشتر حضرات نے جام شہادت نوش کیتا۔ 15 ستمبر 1947 ہجرت دے دوران اہلیان منصور پور چھنٹانوالہ ریاست پٹیالہ توں دشمن دا مردانہ وار مقابلہ کر کے پاکستان اپڑن وچ کامیاب ہو گئے۔ ڈاکٹر اجمل خان تے رسالدار قادر بخش دی قائدانہ صلاحیتاں دی وجہ نال ایس خونی معرکے وچ دشمن دے اک ہزار توں ودھ بندے جہنم واصل ہوئے۔ ایس معرکے وچ ایہناں شہدانوں اسیں سلام پیش کرنے آں جنہاں نے اپنی جاناں دا نذرانہ پیش کر کے پاکستان دی بنیاداں وچ اپنا لہو شامل کیتاتے ایہنوں دوام بخشیا تے آپ امر ہو گئے۔

ایہناں مجاہداں نوں وی سلام جنہاں نے نامصائب حالات دے باوجود مردانہ وار مقابلہ کر کے ہزاراں بزرگاں، خواتین تے بالاں نوں منزل مقصود اُتے اپڑایا ۔ راجا محمد اقبال خان سپیکر پنجابی اسمبلی و قائم مقام گورنر پنجاب نے 15ستمبر 2008 نوں ایس تاریخی یادگار دی نقاب کشائی کیتی۔
زکوٰۃ دے اگر کوئی زیادہ ہو تو نگری
بکھیر دے اناج اگر تو فصل ہو ہری بھری
چھٹیں جو چند ڈالیاں نموہو نخل طاق کی
کٹیں جو چند گردنیں تو قوم میں ہو زندگی
معرکہ منصُور پور چھینٹانوالہ جیہڑا 15 ستمبر 1947 نوں پیش آیا جس وچ ذیلدار چوھدری اصغر علی خان ، عبدالرشید خان ، عبدالجبار خان ، بہادرجنگ خان ، رستم علی خان ، عبدالحکیم خان ، مہر محمد خان ، شادی خان ، شجاعت علی خان ، محمد رفیق ، غلام دستگیر ، پٹواری نعمت علی ، بہادر علی، عبداسلام ، محمد رمضان خان ، محمد رفیق ، محمد شفیق ، محمد خلیق ، محمد عتیق ، عبدالرحمن ، محمد حبیب ، سید سرفراز حسین ، سید ثاقب حسین ، سید زربخت حسین ، ولی محمد قطب،سطان ڈوگر ،ملک نذر محمد ، ملک غلام قادر ، ملک عبدالصمد ، بہادر علی ، بابا منگو ، حبیب جیلا تے محمد قدیر جہے کئی شہداں دی عظیم قربانیاں دا ثمر ثابت ہویا۔

شہید کی جو موت ہے وہ قوم کی حیات ہے
لہو جو ہے شہید کا وہ قوم کی زکوٰۃ ہے
وید محمد اجمل خان نے فن طب دی ترویج و ترقی تے اطبا دی فلاح و بہبود لئی گراں قدر خدمات سرانجام دتیاں اوہ اپنے عہد دے بے مثلا ، ہمہ جہت، صاحب فن و کمال، خدا رسیدہ، درویش صفت ہستی سن۔ اوہ قیام پاکستان توں پہلاں انڈین پنجاب دی ریاست پٹیالہ توں 14 کلومیٹر دے فاصلے اُتے واقع پرانے قصبہ منصور پور جیہڑا کہ چھینٹانوالہ دے ناں توں مشہور سی دے آیورویدک شفاخانہ وچ بطور میڈیکل افسر تعینات سن تے اپنے علاقے وچ ڈاکٹر اجمل خان دے ناں توں مشہور سن۔ اوہ اپنے حلقہ احباب وچ انتہائی بے باک تے جرات مند مشہور سن۔ پاکستان دے قیام دے ویلے اوہناں نے اپنے ساتھیاں دے نال ہجرت دے دوران انتہائی دیدہ دلیری دے نال بلوائیاں دے حملے نوں پسپا کیتا تے اک ہزار توں ودھ بلوائیاں نوں جہنم واصل کیتا۔ ہجرت دے بعد قصور دی تحصیل چونیاں وچ آ کے آباد ہو گئے۔

جب تک دنیا باقی ہے تم زندہ ہو
اے میرے وطن کے شہزادو تم زندہ ہو
خوشبو کے روپ میں اے پھولو تم زندہ ہو
تم زندہ ہو۔ تم زندہ ہو
یوم دفاع پاکستان دے عظیم دن 6 ستمبر 1965 تے15 ستمبر 1947 دے شہدا نوں خراج تحسین پیش کرن لئی وید اجمل خان مرحوم دے فرزند کئی کتاباں دے مصنف پروفیسر حکیم وید نواب جمیل خان بلامقابلہ ممبر نیشنل کونسل فار طب مرکزی نائب صدر پاکستان طبی کانفرنس نے اپنے آبائی علاقے چونیاں وچ شہدا دی یادگار اُتے اک پروقار تقریب دا انعقاد کیتا جس وچ پروفیسر حکیم محمد احمد سلیمی سابق چیئر مین امتحانی کمیٹی نومنتخب ممبر نیشنل کونسل فار طب جنرل سیکرٹری پاکستان طبی کانفرنس پنجاب مہمان خصوصی سن ایس عظیم الشان تقریب وچ لہور توں ایہناں دے نال خصوصی شرکت کرن والیاں وچ ڈاکٹر سکندر حیات زاھد ، حکیم و ڈاکٹر مفتی محمد یوسف ، پروفیسر حکیم سید عمران فیاض ، پروفیسر حکیم محمد شفیق ، حکیم محمد اسماعیل ، حکیم و ڈاکٹر شبیر عنایت ، حکیم تصور محمدی ، حکیم نذیر تابش ، حکیم اللہ یار ، حکیم محمد متین ، حکیم طاھر خان ، حکیم عطا ٕالرحمن صدیقی ، حکیم طاھر نوید جنجوعہ ، حکیم امجد وحید بھٹی ، حکیم انعام اللہ ، حکیم عبدالوحید صدیقی ، حکیم سیف لودھی ، حکیم افضل بٹ ، حکیم محمد اعظم ، حکیم مدثر ثواتی ، حکیم احمد حسن نوری تے ھارون بن احمد شامل سن۔ جد کہ محمد عقیل خان ، نمبردار عرفان خان ،نمبردار عابد نصیر ، نمبردار رانا گلزار خان ، نمبردار الطاف خان ، اصغر بھٹہ دے علاوہ چھینٹانوالہ برادری دے معززین دیکثیر تعداد موجود سی ۔ تقریب وچ مہماناں دا استقبال پھُلاں دیاں پتیاں نچھاور کر کے تے ڈھول دی تھاپ اُتے کیتا گیا۔ ایس موقعے اُتے صاحب صدر نے مہمان خصوصی دی دستار بندی وی کیتی۔ بعدازاں یاد گار اُتے پھُلاں دی پتیاں نچھاور کیتیاں گئیاں۔ بے شک اہلیان منصور چھینٹانوالہ دی جانی و مالی قربانیاں پاکستانیاں دی بنیاد نیں تے مستقبل دی نسل لئی مشعل راہ نیں۔