ٹین ایجر بالاں لئی شائع ہون والا پاکستان دا پہلا ڈائجسٹ

’’ماہنامہ نوعمر ڈائجسٹ‘‘ ستمبر2021ناول نمبر

اختر سردار چودھری

نو عمر بالاں دے ادب وچ اک نویں تاریخ رقم کرن جا رہیا اے جیہڑا کہ لائق تحسین کم اے، ناول نمبر مدیر کاوش صدیقی دی دن رات محنت دا منہ بولدا ثبوت اے، اوہناں نے مہنگائی دے ایس دور وچ جدوں کاغذ دیاں قیمتاں اسمان ول جا رہیاں نیں انتہائی گھٹ قیمت 100 روپئے وچ 354 صفحیاں دا ٹین ایجر بالاں لئی پاکستان دا پہلا ڈائجسٹ کڈ کے اک تاریخ ساز ریکارڈ قائم کر دتا اے۔ ایس دی اک خاصیت ایہہ وی اے کہ ایس وچ درجن بھر توں ودھ مکمل ناول شائع کیتے گئے نیں جدوں سارے نوعمر بالاں لئی خاص اہمیت رکھدے نیں نو عمر ڈائجسٹ دا ایہہ ناول نمبر ہر گھر دے ہر بندے لئی دلچسپی دا باعث ہو ئے گا۔نو عمر ڈائجسٹ دے ایس خاص نمبر وچ سارے نویں تے پرانے لکھن والے یکجا نیں۔ ایس یاد گار ناول نمبر نوں اک رحجان ساز نمائندہ دستاویز دے طور اُتے بالاں دے ادب وچ مدتاں یاد رکھیا جائے گا۔
بالاں تے وڈیاں دے وچکار لکھنا بوہت مشکل سمجھیا جاندا اے اک پاسے تہانوں معصومیت، حیرت تے لفظ لفظ نوں ورتن وچ چونکنا رہنا ہوندا اے تے دوجے پاسے تہانوں بے شمار تجربات، مشاہدات، علم تے لسانیات نوں سمجھن تے ورتن والیاں دی دنیا وچ پھونک پھونک دے پیر رکھنا پیندا اے۔ وچکار دی لکیر یعنی نوعمراں لئی لکھنا سب توں مشکل ترین مرحلہ ہوندا اے کیوں جے معصومیت حقیقت تے حیرت تجسس نوں کھوج رہی ہوندی اے۔ نو عمر ڈائجسٹ ایس وچکار دی اک بنیادی کڑی اے۔ نوعمر ناول نمبر لکھاریاں دے احساسات نوں تحریر دی شکل دین والی قیمتی تے صدیاں یاد رہ جان والی محفوظ کرن والی اک دستاویز اے۔ اپنے کتب خانے دی زینت بنائیے تے اپنے دوستاں عزیز و اقارب نوں تحفے وچ دیو، کیوں جے تحفہ دین نال محبتاں ودھ دیاں نیں۔
ساڈے لکھاری، ساڈا فخر نیں تے مرد و خواتین دونویں ساڈے لئی انتہائی محترم نیں۔ ناول نمبر وچ کوشش کیتی گئی اے کہ لکھن والے لکھاریاں وچوں دونواں پاسے دی نمائندگی ہوئے۔ اج دے مصروف ترین دور وچ خواتین لکھاریاں دی اک کثیر تعداد بوہت عمدہ لکھ رہی اے تے اک کُڑی، خاتون خانہ دی حیثیت نال ایہناں دے لکھن وچ بے پناہ شائستگی پائی جاندی اے ایہناں دی تحریر وچ دلچسپ تے نواں پن وی موجود ہوندا اے۔ ایس حوالے نال نو عمر ڈائجسٹ دی پالیسی اے کہ یکساں موقعے دونواں پاسے دے لکھاریاں دا حق اے نو عمر ڈائجسٹ دا ناول نمبر ایس اعتبار نال وی اک یادگار دستاویز ٹھہرے گا کہ جس وچ خواتین تے مرد لکھاریاں دی کثیر تعداد نے انمول تحریراں نوں لکھیا تے نوعمر نے ایہناں نوں شائع کر کے اک تاریخ رقم کیتی۔
ناول نمبر دی کجھ انج دی خاص شیواں جیہڑی تہانوں اودوں پتہ چلن گیاں جددوں ڈائجسٹ تہاڈے ہتھاں وچ ہوئے گا۔ اودوں بوہت سارے لکھاری سوچن گے کہ اسیں ایس ناول نمبر دا حصہ کیوں نہیں بنے؟ کاش کہ اسیں وی ایس تاریخی ناول نمبر وچ شامل ہوندے تے کنہا چنگا ہوندا پر نو عمر ڈائجسٹ دا کہنا اے کہ تسیں جدوں وی آئو دیدہ و دل فرشِ راہ اے۔ ناول نمبر وچ انج دے سارے لکھاریاں نوں وی شامل کرن دی کوشش کیتی گئی اے جیہڑے نہ صرف مشہور و معروف نیں بلکہ ایہناں نوں لکھن وچ ملکہ حاصل اے۔ ایس تاریخی خاص نمبر نوں سارے قارئین تے خاص طور تے ناول لکھن دے خواہش مند لکھاریاں نوں ضرور پڑھنا چاہیدا اے تاکہ ایہناں نوں ناول لکھن تے موضوعات نوں ورتن دا سلیقہ آئے، کہندے نیں جیہڑے ہر لمحے سکھدے نیں اوہ ہمیشہ کامیاب ہوندے نیں۔

نو عمر دا ایہہ خاص نمبر مدتاں یاد رہ جان والی انمول تحریراں دا خوبصورت مجموعہ اے ایس وچ یادگار تحریراں دا شاندار تے جاندار انتخاب کیتا گیا۔ نوعمر دا ایہہ ناول نمبر ایہناں سب دے مزاج دے مطابق اے جیہڑے چنگی تحریراں نوں پڑھن دے متلاشی رہندے نیں۔ بہتر ہوئے گا کہ تسیں ایس دستاویز نوں اپنی لائبریری دا لازمی حصہ بنائو۔ ناول نمبر دی کجھ خصوصیات انج دیاں نیں جیہڑی لکھاری تے قاری دونویں ای سنبھال کے رکھن اُتے مجبور ہو جان گے۔ ایس ڈائجسٹ نوں اپنے ق ریبی دوستاں تے عزیزاں نوں تحفے وچ دیو تاکہ اوہ جان سکن کہ تسیں کنج دا لکھدے او اونج وی تحفے تحائف دین نال محبت ودھدی اے تے جے ایہہ تحفہ کسے کتاب یا رسالے دا ہوئے تے ایس وچ محبت دی چاشنی تے ودھ جاندی اے۔
کاوش صدیقی دی ایہہ اک انج کاوش اے جیہڑے بالاں دے ادب وچ ہمیشہ یاد رکھی جائے گی۔ ایس شمارے وچ شامل سارے لکھاریاں نوں دلی مبارکباد پیش کردے ہوئے ایہناں لئی نیک خواہشاں دا اظہار کرنا واں۔ اج ای تسیں ایس تاریخ ساز میگزین نوں خرید کے اپنے بالاں نوں تحفہ دیو مینوں امید اے کہ تہاڈے ایہہ سو روپئے بالکل وی ضائع نہیں جان گے ایس نوں تہاڈے ساریاں دے گھراں دی لائبریری دی زینت ہونا چاہیدا اے ۔ تہاڈے اپنے ریکارڈ لئی اپنے دوستاں نوں تحفے وچ دین لئی اک خوبصورت تحفہ اے۔ نو عمر ڈائجسٹ ناول نمبر ایس اعتبار نال وی اک یادگار تے منزد دستاویز اے کہ ایس وچ لکھن والے وطن عزیز دے اوہ انمول ہیرے نیںجنہاں دا لکھیا ہویا اک اک لفظ پڑھیا جاندا اے بلکہ ایہہ مناسب ہوئے گا کہ ایہناں دی کہانیاں نوں پڑھ کے نویں لکھاریاں نے بوہت کجھ سکھیا تے سکھ رہے نیں۔
ایس شمارے وچ لمبے ناول پڑھن والیاں دے نال نال مختصر ناولٹ نوں وی پیش کیتا اے جیہڑے ساڈے قارئین طویل توں پہلے ذرا مختصر پڑھنا چاہن ایہنا ں لئی ایہہ خصوصی پیشکش اے۔ نوعمر ڈائجسٹ دے ناول نمبر وچ ہر مزاج دے قارئین دا خصوصی خیال رکھیا گیا اے تاکہ علم و ادب دے باذوق قارئین ایس خاص نمبر دا صحیح طریقے نال مزا لے سکن۔ سانوں امید اے کہ نو عمر ڈائجسٹ دا ناول نمبر حقیقت وچ اک تاریخ ساز دستاویز ثابت ہوئے گا تے بالاں دے ادب وچ اک نویں تاریخ رقم کرے گا۔ کیونکہ نو عمر ڈائجسٹ جواں ادب تے نویں خوابا ں دا ترجمان اے۔ تاریخ وچ پہلی وار بالاں دے ادب وچ ناول نمبر کڈ کے کاو ش صدیقی صاحب نے شائقین دے دل جت لئے نیں۔ نو عمر ڈائجسٹ دی ضخامت نوں ویکھ کے انج لگ رہیا اے کہ ایس قدر عمدہ، خوبصورت ، ضخیم تے معیار ناول نمبر شاید ای کوئی دوبارہ شائع کر پائے۔ نو عمر ڈائجسٹ دا ناول نمبر کئی اعتبار نال اہم تے تاریخ ساز اے کیوں جے پہلی وار بالاں دے کسے رسالے وچ شائع ہو ن والی ہر کہانی دا تعمیری تنقیدی تے توصیفی تجزیہ انتہائی خوبصورتی نال پیش کیتا گیا اے جنہوں اسیں ہر کہانی دا اجمالی جائزہ وی کہہ سکنے آں۔ انج دے تجزیے اسیں ایس توں پہلے صرف سب رنگ ڈائجسٹ وچ پڑھے سن یاہن نو عمر ڈائجسٹ وچ پڑھن گے۔
اسیں نو عمر ڈائجسٹ نوں بالاں دے ادب دا ’’سب رنگ ‘‘ کہہ سکنے آں کیوں جے ایس دا معیار ای اینا شاندار رکھیا گیا اے۔
اک ہور اہم ترین گل ایس ناول نمبر وچ نویں لکھاریاں دے نال معروف لکھن والیاں دے وی کئی ناول شامل نیں جے ایہہ سب ناول وکھری وکھری کتاباں وچ چھاپے جاندے تے کوئی وی ناول انفرادی طور اُتے دو سو روپئے توں گھٹ دا نہ ہوندا۔ لگ بھگ دو توں اڑھائی ہزار روپئے وچ خریدے جاندے۔ ناول نمبر وچ 17 مکمل ناول نو عمر ڈائجسٹ دی صورت وچ صرف اک سو روپئے وچ دستیاب اے ۔ کاش نو عمر دا ہر شمارہ خاص نمبر ہوئے، اینے ای صفحیاں دا ہوئے، قیمت بھلے ایس دی دو سو روپئے کر دتی جائے، کاوش صدیقی صاحب تے ایہناں دی پوری ٹیم نوں مبارکباد پیش کرنا واں۔