جعفر بلوچ … با کمال شاعر

سروس سے ہم ہوتے ہیں ریٹائر تو کیا ہوا
تصدیق زندگی سے ریٹائر تو نہیں ہوا
ایس خوبصورت شعر دے خالق پروفیسر جعفر بلوچ 27جنوری 1947 نوں لیہ وچ پیدا ہوئے۔ تہاڈے والد غلام حسن خان اک نیک سیرت انسان تے علم وادب دے شیدائی سن۔ اوہناں دی علمی تربیت تے کفالت الحاج حکیم عبدالکریم خان بلوچ کلاچی نے کیتی۔ اوہناں نے ایم اے اردو تے بی ایڈ دی تعلیم مکمل ہون مگروں مظفر گڑھ توں تدریس دا سلسلہ شروع کیتا تے گورنمنٹ کالج آف سائنس وحدت روڈ لاہور توں بطور صدر شعبہ اردو ریٹائر ہوئے۔ اپنی تعلیمی تے تدریسی زندگی وچ اوہناں نے بہت سارے طلبا و طالبات نوں زیور تعلیم نال آراستہ و پیراستہ کیتا۔ ایہو کارن اے کہ علمی حلقیاں وچ جعفر بلوچ نوں انتہائی احترام و عقیدت دی نظر نال ویکھیا جاندا سی۔
جعفر بلوچ دی زبان توں اوہناں دا مرثیہ سنو تے اوہناں لئی دعائے مغفرت کرو۔
موت کیسے زندگی کو آ کے لیتی ہے دبوچ
ہو غلط یارب! سنا ہے چل بسا جعفر بلوچ
چل بسا جعفر بلوچ
اس میں کیا شک ہے وہ شاعر تھا نہایت ارجمند
کنیز مخفی کے گہر اور انجم فکر بلند
اس کا شہباز تخیل عرش سے لاتا تھا نوچ
چل بسا جعفر بلوچ
جعفر بلوچ دا شمار عہد جدید دے اوہناں نابغین وچ ہوندا اے جہناں نے ادب تے زندگی نوں ہم معانی بنا دتا اے۔ اوہناں نے نظری تے علمی ہر سطح اتے شعر و ادب نوں زندگی لئی مفید بنان دی سعی کیتی اے۔ حقیقت وی ایہو اے کہ جہڑی تخلیق معاشرتی ترقی لئی کارآمد ہو رہی اے قارئین دے دلاں نوں متاثر کرن دی صلاحیت رکھدی اے۔ جعفر بلوچ نے اپنے معتقدات دے حوالے نال حمد’ نعت’ منقبت تے سلام جئی اصناف نوں ذریعہ اظہار بنایا تے ایہناں اصناف دے ذریعے معاشرتی اصلاح دا فریضہ بطریق احسن ادا کیتا۔ جعفر بلوچ سچے تے کھرے محقق نیں۔ اوہناں نے عمر بھر شعر و ادب دی آبیاری کیتی۔
خدا گواہ یہی سوچ کر خموش ہیں ہم
کہ سچی بات کہیں تو فساد ہوتا ہے
پروفیسر جعفر بلوچ دا سب توں وڈا کارنامہ ایہہ اے کہ اوہناں نے ادب دے اوہناں حقیقی معماراں نوں تلاش کیتا جہڑے اپنے علمی سرمائے سنے نگاہ اہل عالم وچ پوشیدہ ہو گئے سن۔ اوہناں نے بہت ساری کتاباں ترتیب تے تخلیق کیتیاں۔ اوہناں دی شاعری تے نثری تخلیقات نے سینکڑاں اہل فن نوں متاثر کیتا۔
جعفر بلوچ دی تصنیفات تے تالیفات
1ـ مطلعین (انتخاب کلام راجہ عبداللہ نیاز اوراسد ملتانی)
2ـ البالیات اسد ملتانی
3ـ اقلیم (شعری مجموعہ)
4ـ آیات ادب (تذکرہ شعرائے لیہ مظفر گڑھ)
5ـ بیعت (مجموعہ نعت)
6ـ ارمغان نیاز (حالات حیات عبداللہ نیاز)
7ـ اقبال شناسی اورسیارہ (اقبال کا اشاریہ)
8ـ صبح سخن (کلام عبداللہ نیاز مع مقدمہ)
9ـ علامہ اقبال اور مولانا ظفر علی خان
10ـ نشید شیراز (ظفر علی خان’ فارسی کلام)
11ـ اشارات (ساقی الحسینی کے تنقیدی مضامین)
12ـ محاکمہ (دیوان غالب نسخہ لاہور مسروقہ کا قضیہ)
13ـ مجالس اقبال (اقبال سے متعلق واقعات)
14ـ یادنامہ دائودی (خلیل الرحمن دائودی کے مضامین)
15ـ نفائس ادب (مولانا حامد علی خان کے مضامین)
16ـ مشارق (اسد ملتانی کا حمدیہ اور نعتیہ کلام)
17ـ برسبیل سخن (نظمیں)
اوہناں دی رہائش 8غزالی پارک وحدت کالونی لہور وچ سی۔ وفات ویلے اوہناں دی عمر 61 سال سی۔ اوہناں دی تریخ وصال 27 اگست 2008 اے۔ اوہناں دی ابدی آرام گاہ حضرت شاہ کمال قبرستان وچ اے۔
منظور وزیرآبادی ۔۔۔ مہان پنجابی شاعر
منظور وزیرآبادی دا اصل نام منظورالٰہی سی۔ ایہہ 17فروری 1936 نوں گوجرانوالہ دی تحصیل وزیرآباد وچ پیدا ہوئے۔ والد دا نام فضل الٰہی سی۔ میٹرک دا امتحان گورنمنٹ ہائی سکول وزیرآباد توں پاس کیتا فیر روزگار دے سلسلہ وچ لاہور آ گئے۔ ایتھے اوہناں نے محکمہ انہار وچ ملازمت اختیار کیتی۔ پہلے اوہناں نے اردو تے پنجابی وچ فاضل کیتا فیر بی اے دا امتحان پاس کرن مگروں اردو تے پنجابی وچ ایم اے پاس کیتا۔ اوہناں دے پنجابی غزلاں دے تن مجموعے شائع ہو چکے نیں۔
1ـ ویلے ہتھ نیاں 1978
2ـ توں وی چن اچھال کوئی 1985
3ـ دکھ دا صدقہ جاری اے 1992
کئی غزلاں وچ اوہناں نے دو دو تن تن واری قافیے استعمال کیتے نیں جہدی وجہ نال اک منفرد اسلوب وجود وچ آئے۔ اوہناں دی تریخ وصال 8ستمبر 1998اے۔ اوہناں دی آخری آرامگاہ قبرستان میانی صاحب بہاولپور روڈ لب سڑک نزد پراچہ خاندان واقع اے۔ مرقد پختہ تے سرہانے کتبہ لگیا اے۔