پنجابی کھوج دے کھیتر چے بھرویں کم دی لوڑ اے: مدثراقبال بٹ

دیال سنگھ ریسرچ انسٹیٹوٹ تے پنجابی میڈیا دا رَل کے ریتل تے ماں بولی لئی کم کرنا نویاں راہواں کھولے گا: ڈاکٹر عبد الرزاق شاہد
پنجابی بولی اجوکے ویلےدیاں سبھی لوڑاں پوریاں کردی اے، پنجابی میڈیاگروپ داDSRCFنال ایم او یو سائن

دیال سنگھ ریسرچ اینڈ کلچرل فورم‘ لہور اتے پنجابی میڈیا گروپ وچالے مفاہمتی یادداشت تے دستخط کیتے گئے۔ ڈائریکٹر دیال سنگھ ریسرچ اینڈ کلچرل فورم اتے چیئرمین/چیف آرگنائزر مدثر اقبال بٹ نے مفاہمتی یادداشت دے مسودے تے دستخط کیتے۔ ایم او یو دا مقصد (1) تحقیقی منصوبیاں وچ تعاون (2) مشترکہ کانفرنساں‘ سیمیناراں‘ ورکشاپاں اتے انج دیاں ہور سرگرمیاں (3) تحقیقی مواد تک رسائی جیویں کتاباں‘ رسالے‘ گزٹیئر اتے لائبریری دی سہولت (4) تعلیمی ڈیٹا‘ مطبوعات اور معلومات دا اشتراک اتے (5) باہمی دلچسپی دے ہور شعبیاں( 6) دستاویزی ڈرامہ‘ پاکستان وچ سکھاں دے مقدس مقامات اتے دستاویزی فلماں وغیرہ۔
ذکر کیتے ایم او یو اتے دستخط دی تقریب 24مئی 2023ء نوں دیال سنگھ آڈیٹوریم وچ 12وجے مقرر کیتی گئی سی۔ دستخط کرن والیاں وچ ڈائریکٹر DSRFاتے چیئرمین پنجابی میڈیا گروپ مدثر اقبال بٹ متعلقہ اداریاں ولوں موجود سن۔
DSRFدی ٹیم پروفیسر (ر) ڈاکٹر عبدالرزاق شاہد ڈائریکٹر فیصل ارشد بٹ SRO‘ عمران احمد ASRO‘ صدیق الحسن ROتے مس انوش نقوی ROاتے مشتمل سی۔
پنجابی میڈیا گروپ ولوں مدثر اقبال بٹ چیئرمین پنجابی میڈیا گروپ موجود سن۔
رلتیاں نے اک دوجے نوں اپنا تعارف کروایا۔ ڈائریکٹر DSRCFنے کارروائی دا آغاز کردیاں رلتیاں نوں خاص طور تے چیئرمین پنجابی میڈیا گروپ مدثر اقبال بٹ نوں اپنے ادارے وچ جی آیاں نوں آکھیا تے ایم او یو دے انتظامات نوں کامیابی نال نپیرے چاڑھن نوں خاص طور تے علم دے فروع‘ پنجاب اتے پنجابی دے ودھا پھلا لئی اک اہم پیشرفت قرار دتا۔
ایہدے بعد ایم او یو اتے باضابطہ دستخط کیتے گئے تے دستخط شدہ کاپیاں دا تبادلہ تے یادگاری تحفے پیش کیتے گئے۔