نیلی وہیل

دنیا دی دیوہیکل مخلوق

میگزین رپورٹ

انسان نے زمین توں لے کے چن تے مریخ تک تے رسائی حاصل کر لئی لیکن کیہ وجہ اے کہ زمین دی گہرائی یعنی سمندر جہڑے زمین دے کل رقبے دے 75 فیصد حصے اتے پھیلے ہوئے نیں تک رسائی آٹے وچ نمک دے برابر اے۔ سمندری علوم دے ماہرین ایس گل اتے متفق نیں کہ ا جے تک سمندری علوم دا بمشکل 5فیصد حصہ ای دریافت ہو سکیا اے۔ کجھ عرصہ پہلاں سویڈن دی اک غیر سرکاری سماجی تے سائنسی تنظیم پکس نے سمندری دی گہرائی بارے نہایت دلچسپ معلومات اپنی ویب سائٹ اتے شیئر کیتیاں سن جہناں دا خلاصہ کجھ ایس طرح سی۔
دنیا دا 75فیصد حصہ یعنی سمندر یقینا بہت زیادہ ڈُنگھا اے۔ ایہناں ڈُنگھا کہ ساڈی سوچ توں وی کِتے زیادہ۔سمندر دی گہرائی نوں سمجھن لئی اسیں شروع کرنے آں سمندر دی سطح توں 40میٹر دی گہرائی وچ جہڑی کہ تفنن طبع یعنی ریکریشنل غوطہ خوری دی حد اے۔ ایس توں ودھ گہرائی وچ کوئی عام انسان غوطہ خوری نہیں کر سکدا۔93میٹر دی گہرائی وچ لوسیٹانیا نامی جہاز دا ملبہ دریافت ہویا سی۔
ایتھے دلچسپ گل ایہہ اے کہ لوسیٹانا دی لمبائی 240 فٹ سی جد کہ ایہہ اپنی لمبائی توں وی گھٹ ڈُنگی جگہ وچ ڈُب گیا سی۔ ایہو وجہ سی کہ لوسیٹانا دا کجھ حصہ سمندر دے اندر تے باقی حصہ سمندردے باہر پایا گیا سی۔ 100میٹر دی گہرائی وچ بغیر ضروری آلات تے حفاظتی آلات تے انتظامات غوطہ خوری جان لیوا ہو سکدی اے کیوں جے ایتھے پانی دا دبائو اینا زیادہ ہوند ااے کہ اوہ انسان دے اندرونی اعضا نوں بآسانی نقصان پہنچا سکدا اے جہدے توں فوری موت وی واقع ہو سکدی اے۔ دُجے پاسے جرمنی دے ہیبرٹ نٹچ نے سمندر دی 214 میٹر دی گہرائی وچ جا کے عالمی ریکارڈ اپنے ناں کر کے کامیابی حاصل کر لیتی سی۔ ایس توں ہور تھلے یعنی 332میٹر دی گہرائی اوہ حد اے جتھے مصری غوطہ خور احمد جبر نے پہنچ کے گینبز بک آف ورلڈ دے مطابق عالمی ریکارڈ بنایا سی۔ 500 میٹر دی گہرائی وچ اسیں سمندری نیلی وہیل دی غوطہ خوری دی حد تک پہنچ سکنے آں جہدا شمار دنیا دی دیوہیکل مخلوق وچ ہوندا اے تے جہدا وزن 190ٹن تے لمبائی 33میٹر تک ہوندی اے۔
ہن جے 35میٹر ہور گہرائی وچ جائیے تے اسیں پینگوئن دی غوطہ خوری دی حد تک جا سکنے آں۔ 535 میٹر دی ایس گہرائی وچ پانی دا دبائو اک انسان تے پینگوئن دونواں لئی ناقابل برداشت ہووے گا۔ سمندر وچ 830میٹر دی گہرائی یعنی دبئی وچ موجود دنیا دی سب توں اچی عمارت برج خلیفہ تک سمندر وچ سمو سکدی اے تے جدوں اسیں سطح سمندر توں 1000 میٹر یعنی اک کلومیٹر گہرائی وچ پہنچنے آں تے ایہہ سمندر دا اسکیری زون جہنوں خطرناک ترین حصہ آکھیا جاندا اے‘ اک لحاظ نال سورج دے چانن دا ایس توں تھلے پہنچنا ناممکن اے چنانچہ ایہہ مکمل طور تے تریک علاقہ اے۔ ایس گہرائی وچ پانی دا دبائو اینا زیادہ ہوندا اے کہ انسان دا زندہ بچ نکلنا اک معجزہ ہووے گا۔ بالفرض جے انسان پانی دے دبائو توں بچ وی نکلے تے ایتھے جینٹ اسکویڈزندگی دا خاتمہ کرن لئی کافی اے۔1280 میٹر دی گہرائی وچ اسیں لیدر بیک سمندری کچھوے دی غوطہ خوری دی حد تک جا پہنچے آں۔
1828 میٹر گہرائی تک پہنچن دا مطلب دنیا دی گہری ترین وادی گرینڈ کینین تک پہنچن دے برابر اے جد کہ ایس توں تھلے 2000میٹر گہرائی وچ سمندر دی خوفناک تے خطرناک مخلوقات پائی جاندی اے جہدے وچ اک بلیک ڈریگن فش اے جہڑی اک گوشت خور مخلوق اے۔ ایس گہرائی وچ ایہنوں فلیش لائٹ دے ذریعے ای ویکھنا ممکن ہو سکدا اے۔ ہور 250میٹر یعنی 2250 میٹر تھلے جان تے اسیں اسپرم وہیل تے نہایت ای خوفناک مخلوق کلوسل اسکوڈ دی غوطہ خوری دی حد تک پہنچ جانے آں۔ اسپرم وہیل دے جسم اتے اکثر چٹے نشان پائے جاندے نیں جیویں اوہدی کھال کھرچی گئی ہووے۔ ایہہ نشان کلوسل اسکویڈ نال لڑائی دے دوران لگدے نیں۔ کلوسل اسکویڈ 14میٹر لمے تے اوہناں دا وزن 750کلوگرام تک جا سکدا اے۔ اوہدی اکھ کھان دی پلیٹ دے برابر تے دند اک بلیڈ وانگوں تیز ہوندے نیں۔
3800میٹر دی گہرائی تک پہنچ کے سانوں مشہور زمانہ ٹائی ٹینک دا ملبہ ملدا اے ایس توں وی تھلے جائیے تے 4000میٹر دی گہرائی وچ اسیں سمندر دے اوس حصے وچ جا پہنچنے آں جہنوں ابیل زون آکھدے نیں تے ایتھے پانی دا دبائو 1100مربع فی انچ تک جا پہنچدا اے۔ سمندر دے ایس حصے بارے ایہہ افواہاں موجود نیں کہ ایتھے ایلین جئی مخلوق موجود اے مثلاً فن ٹوتھ‘ اینگلر فش تے ویبرفش سمندر دی زمین تک اوسطا گہرائی 4267 میٹر ہوندی اے لیکن سمندر دے ایسے مخصوص حصے وی موجود نیں جہڑے ایس توں کئی گنا زیادہ ڈُنگھے نیں۔ مثلاً دوجی جنگ عظیم وچ بسمارک نامی بحری جنگی جہاز دا ملبہ 4791 میٹر دی گہرائی وچ موجود اے۔ ایس توں کہیں زیادہ تھلے 6000میٹر دی گہرائی وچ اک ایسا سمندری علاقہ موجود اے جہنوں ہڈل زون آکھیا جاندا اے۔ ایہدی خاص گل ایہہ اے کہ ایہہ سمندر دا غالباً کائنات دا تریک حصہ اے تے ایتھے پانی دا دبائو 11000 گنا بوہتا ہوندا اے۔
6500 میٹر سمندر دی گہرائی اوہ حد اے جتھے ڈی ایس وی آلوین نامی مشہور تحقیقی آبدوز پہنچی سی تے ایسے آبدوز نے ای ٹائی ٹینک دا کھوج لان وچ معاونت کیتی سی۔ جدوں اسیں 8848 میٹر دی گہرائی تک پہنچنے آں تے ایہہ اوہ حد اے جتھے دنیا دی سب توں اچی چوٹی مائونٹ ایورسٹ تک ڈُب جاوے لیکن ایہدے باوجود سمندر دی گہرائی اجے ایتھے ختم نہیں ہوندی ۔
10898 میٹر دی گہرائی وچ اسیں اوتھے جا پہنچنے آں جتھے سن 2012 عیسوی وچ جیمز کیمرون بحری آبدوز پہنچی سی جہدا مقصد سمندر دے گہرے ترین مقام نوں دریافت کرنا سی لیکن انسان نے سمندر دا سب توں ڈُنگھا مقام 1960 وچ اوس ویلے دریافت کر لیتا سی جدوں ڈان والش تے جیکویس ریکارڈ 10916 میٹر گہرائی وچ سمندر دے اندر اپنی آبدوز دی مدد نال پہنچے سن۔ اوہناں نوں سطح سمندر توں ایتھے تک پہنچن وچ 5گھنٹے لگے سن جد کہ اوہ ایتھے صرف 20منٹ ای رک پائے سن کیوں جے اوہناں دی آبدوز دا شیشہ ٹٹ گیا سی جہدے کارن اوہناں نوں فوراًواپس جانا پیا سی۔93میٹر دی گہرائی وچ لوسیٹانیا نامی جہاز دا ملبہ دریافت ہویا سی۔
ایتھے دلچسپ گل ایہہ اے کہ لوسیٹانا دی لمبائی 240 فٹ سی جد کہ ایہہ اپنی لمبائی توں وی گھٹ ڈُنگی جگہ وچ ڈُب گیا سی۔ ایہو وجہ سی کہ لوسیٹانا دا کجھ حصہ سمندر دے اندر تے باقی حصہ سمندردے باہر پایا گیا سی۔ 100میٹر دی گہرائی وچ بغیر ضروری آلات تے حفاظتی آلات تے انتظامات غوطہ خوری جان لیوا ہو سکدی اے کیوں جے ایتھے پانی دا دبائو اینا زیادہ ہوند ااے کہ اوہ انسان دے اندرونی اعضا نوں بآسانی نقصان پہنچا سکدا اے جہدے توں فوری موت وی واقع ہو سکدی اے۔ دُجے پاسے جرمنی دے ہیبرٹ نٹچ نے سمندر دی 214 میٹر دی گہرائی وچ جا کے عالمی ریکارڈ اپنے ناں کر کے کامیابی حاصل کر لیتی سی۔
ایس توں ہور تھلے یعنی 332میٹر دی گہرائی اوہ حد اے جتھے مصری غوطہ خور احمد جبر نے پہنچ کے گینبز بک آف ورلڈ دے مطابق عالمی ریکارڈ بنایا سی۔ 500 میٹر دی گہرائی وچ اسیں سمندری نیلی وہیل دی غوطہ خوری دی حد تک پہنچ سکنے آں جہدا شمار دنیا دی دیوہیکل مخلوق وچ ہوندا اے تے جہدا وزن 190ٹن تے لمبائی 33میٹر تک ہوندی اے۔ہن جے 35میٹر ہور گہرائی وچ جائیے تے اسیں پینگوئن دی غوطہ خوری دی حد تک جا سکنے آں۔ 535 میٹر دی ایس گہرائی وچ پانی دا دبائو اک انسان تے پینگوئن دونواں لئی ناقابل برداشت ہووے گا۔ سمندر وچ 830میٹر دی گہرائی یعنی دبئی وچ موجود دنیا دی سب توں اچی عمارت برج خلیفہ تک سمندر وچ سمو سکدی اے تے جدوں اسیں سطح سمندر توں 1000 میٹر یعنی اک کلومیٹر گہرائی وچ پہنچنے آں تے ایہہ سمندر دا اسکیری زون جہنوں خطرناک ترین حصہ آکھیا جاندا اے‘ اک لحاظ نال سورج دے چانن دا ایس توں تھلے پہنچنا ناممکن اے چنانچہ ایہہ مکمل طور تے تریک علاقہ اے۔
ایس گہرائی وچ پانی دا دبائو اینا زیادہ ہوندا اے کہ انسان دا زندہ بچ نکلنا اک معجزہ ہووے گا۔ بالفرض جے انسان پانی دے دبائو توں بچ وی نکلے تے ایتھے جینٹ اسکویڈزندگی دا خاتمہ کرن لئی کافی اے۔1280 میٹر دی گہرائی وچ اسیں لیدر بیک سمندری کچھوے دی غوطہ خوری دی حد تک جا پہنچے آں۔1828 میٹر گہرائی تک پہنچن دا مطلب دنیا دی گہری ترین وادی گرینڈ کینین تک پہنچن دے برابر اے جد کہ ایس توں تھلے 2000میٹر گہرائی وچ سمندر دی خوفناک تے خطرناک مخلوقات پائی جاندی اے جہدے وچ اک بلیک ڈریگن فش اے جہڑی اک گوشت خور مخلوق اے۔ ایس گہرائی وچ ایہنوں فلیش لائٹ دے ذریعے ای ویکھنا ممکن ہو سکدا اے۔ ہور 250میٹر یعنی 2250 میٹر تھلے جان تے اسیں اسپرم وہیل تے نہایت ای خوفناک مخلوق کلوسل اسکوڈ دی غوطہ خوری دی حد تک پہنچ جانے آں۔ اسپرم وہیل دے جسم اتے اکثر چٹے نشان پائے جاندے نیں جیویں اوہدی کھال کھرچی گئی ہووے۔ ایہہ نشان کلوسل اسکویڈ نال لڑائی دے دوران لگدے نیں۔ کلوسل اسکویڈ 14میٹر لمے تے اوہناں دا وزن 750کلوگرام تک جا سکدا اے۔ اوہدی اکھ کھان دی پلیٹ دے برابر تے دند اک بلیڈ وانگوں تیز ہوندے نیں۔3800میٹر دی گہرائی تک پہنچ کے سانوں مشہور زمانہ ٹائی ٹینک دا ملبہ ملدا اے ایس توں وی تھلے جائیے تے 4000میٹر دی گہرائی وچ اسیں سمندر دے اوس حصے وچ جا پہنچنے آں جہنوں ابیل زون آکھدے نیں تے ایتھے پانی دا دبائو 1100مربع فی انچ تک جا پہنچدا اے۔ سمندر دے ایس حصے بارے ایہہ افواہاں موجود نیں کہ ایتھے ایلین جئی مخلوق موجود اے مثلاً فن ٹوتھ‘ اینگلر فش تے ویبرفش سمندر دی زمین تک اوسطا گہرائی 4267 میٹر ہوندی اے لیکن سمندر دے ایسے مخصوص حصے وی موجود نیں جہڑے ایس توں کئی گنا زیادہ ڈُنگھے نیں۔ مثلاً دوجی جنگ عظیم وچ بسمارک نامی بحری جنگی جہاز دا ملبہ 4791 میٹر دی گہرائی وچ موجود اے۔ ایس توں کہیں زیادہ تھلے 6000میٹر دی گہرائی وچ اک ایسا سمندری علاقہ موجود اے جہنوں ہڈل زون آکھیا جاندا اے۔ ایہدی خاص گل ایہہ اے کہ ایہہ سمندر دا غالباً کائنات دا تریک حصہ اے تے ایتھے پانی دا دبائو 11000 گنا بوہتا ہوندا اے۔
ہن تسیں جے 10972 میٹر سمندر دی گہرائی دا اندازہ ایس گل نال کرو کہ ہوائی جہاز عام طور تے 10972 میٹر دی اوسط بلندی اتے پرواز کردے نیں۔ چنانچہ جدوں تسیں ہوائی جہاز وچ سفر کرو تے اینی بلندی توں زمین ول ویکھ کے سمندر دی ایس گہرائی دا تصور کرو کہ ایہہ کنا ڈُنگھا ہووے گا۔
ایہدے مگروں اسیں 10994 میٹر گہرے سمندر وچ جہڑا کہ ہن تک دی دریافت کردہ سمندر دی گہری ترین جگہ جہنوں ماریانا ٹرینچ آکھدے نیں تے ایہہ جنوبی بحرالکاہل وچ جاپان وچ واقع اے۔ ایتھوں ایہہ گل یاد رکھنا بے حد ضروری اے کہ ہن تک دا دریافت کیتا جان والا سمندر دا گہرا ترین مقام سمندر دی صرف پنج فیصد دریافت دا نتیجہ اے جد کہ ماہرین دے مطابق سمندر بارے اجے 95فیصد دریافت ہونا باقی اے۔ سائنس دان تے ماہرین ایس گل اتے متفق نیں کہ آن والے وقتاں وچ شاید انسان سمندر دی ہور گہرائی تک رسائی حاصل کر لووے تے ایہہ وی ممکن اے کہ آن والے وقتاں وچ بہت ساری نویں مخلوقاں داوی پتہ چلا لووے۔