زمانہ جاہلیت۔۔۔ ماضی یا حال؟

اج توں کجھ صدیاں پہلے زمانہ جاہلیت سی یا اے جیڑے زمانے وچ اسی رہ رہے ہاں اے زمانہ جاہلیت اے جے اسیں زمانہ جاہلیت دے واقعات پڑھیے!

افضل طاہر وزیرآبادی

اج توں کجھ صدیاں پہلے زمانہ جاہلیت سی یا اے جیڑے زمانے وچ اسی رہ رہے ہاں اے زمانہ جاہلیت اے جے اسیں زمانہ جاہلیت دے واقعات پڑھیے تے جو اج ساڈے زمانے وچ ہو رہیا اے تے اے پرکھنا اوکھا ہو جائے گا کہ زمانہ جاہلیت پہلے والا دور سی یا ایہ دور جدے وچ اسیں رہ رہے آں آج تسیں اپنے آلے دوالے تے اپنے اندر جھاتی پائو ہاں تے اپنی ایمانداری نال دسو کہ جو ہو رہیا اے یا جو اسیں کر رہے ہاں کی او ٹھیک ہو ریا اے یا غلط ہو ریا اے میں آکھنا کہ کجھ لوکاں نوں کڈھ کے اسیں سب غلط تے غلط ای کر رہے اں۔سوشل میڈیا ویکھ لو سٹریم لائن میڈیا ویکھو یا اخباراں پڑھ لو تہانوں ہر پاسے ایہو خبراں ای لبھن گیاں کی پتراں زمین جائیداد لئی پیو نوں قتل کر دتا کدرے بھرا نے بھرا نوں قتل کردتا کدرے دھی نے اپنے آشنا نال رل آپنے ای ماں پیو نوں ختم کر دتا کجھ دھیاں گھراں چوں نس کے ویاہ کروا رہیاں نیں کڑیاں منڈے سکول کالجاں وچ بے حیائی والے کم کر رہے نیں چھوٹیاں بچیاں نال زیادتی دے کیس دن بدن ودھ رہے نیں خونی رشتے آپس وچ جنسی زیادتی کر رہے نیں کی اے سارہ کجھ ساڈے معاشرے وچ نہیں ہو ریا یقینا ہو ریا اے تے رہندی کھندی کسر میانوالی والے واقعہ نے کڈھ دتی اے میرے خیال نال تے جیڑے جاہل لوک آپنیاں دھیاں نوں زندہ دفن کردے سن ایڈی بے دردی نال تے او وی اپنی دھی نوں نہیں ماردے ہون گے جڈی بے دردی نال ایس ظالم نیں اپنی ست دن دی دھی نوں پنج گولیاں سینے تے ماریاں نیں اوس بچی دیاں تصویرں ویکھ کے تے سخت توں سخت دل وی پھٹ گیا اے او ظالم دیا پترا جے تینوں دھی نہیں سی چاہیدی تے اوہنوں مار تے نہ لکھاں لوک نیں جیڑے اولاد نوں ترسدے نیں پچھ کدی اوہناں لوکاں نوں جا کے جیڑے کہندے نیں کہ سانوں دے چھڈدا کم ازکم ماردا تے نہ نالے دھی تے اللہ دی خاص رحمت ہوندی اے لوکی تے پتراں نالوں زیادہ دھیاں نال پیار کردے نیں اسیں مسلمان اں تے ساڈے اسلام نیں ساڈے پیارے نبی پاکؓ نے سانوں ایہو دسیا اے کہ دھیاں نال پیار کرو دھی پاویں کافر دی وی ہووے اوہدے نال پیار کرو نبی پاکؓ نے فرمایا کہ جیڑا بندہ اپنیاں دھیاں دی نیک پرورش کر کے تے اوہناں دا ویاہ کردے تے او جنت وچ انج میرے نال ہووے گا جیویں ہاتھ دیاں دو انگلیاں نال نال ہوندیاں نیں تے ہن دسو کہ جو واقعہ میانوالی وچ ہویا اے اینو ویکھ کے کوئی کہ سکدا اے کہ جہالت پہلے دور وچ زیادہ سی یا ایس دور وچ سانوں ساریاں نوں اپنا حساب لانا ہووے گا کیوں کہ اسیں وی ایسے دور وچ رہ رہے ہاں سانوں وی حساب دینا پوے گا وڈے افسوس والی گل تے اے وے کہ مسلماناں دیاں بیبیاں آزادی لئی عورت مارچ کر رہیاں نیں جدے وچ بے حیائی تے فحاشی توں علاوہ اور کجھ وی نہیں شرم تے حیا توں آری اے بیبیاں اپنے آپ نوں لبرل تے روشن خیال آکھدیاں نیں ایناں اے نہیں پتہ کہ عورت دی عزت صرف پردے وچ اے جنی عزت عوت نوں اسلام نے دتی اے دنیا تے ہور کسے مذہب نے نہیں دتی اسلام نے عورت نوں ہر جائز سہولتاں دتیاں عورت نوں ہر قسم دا تحفظ دتا شریعت تے دائرے وچ رہ کے عورت نوں کم کرن دی اجازت وی دتی عورت مارچ والیاں بیبیاں نوں شرم آنی چاہیدی اے جو اے کر رہیاں نیں ایناں بیخوادہ پلے کارڈ چکے ہوے نیں جناں تے او گلاں لکھیاں نیں جیڑیاں کسے وی بندے نوں پڑھن لگیاں شرم آ جاوے تے آکھریاں نیں سانوں مرد دی لوڑ نہیں سیانیں آکھدے نیں کہ جیڑے خزانے دا کوئی رکھوالی نہ ہووے تے او خزانے لٹے جاندے نیں سب توں وڈی بے شرمی والی گل تے اے وے کہ جدوان ایناں بیبیاں نوں اسلام دی رو نال سمجھان دی کوشش کرو تے اگوں بڑی بے شرمی نال اسلام دے خلاف بولنا شروع کر دین گیاں ایناں نوں تے ایناں دیاں حرکتاں ویکھ کے لگدا اے کہ جیویں ایناں دا اسلام نال کوئی تعلق ای نہیں ساڈے قانون نافظ کرن والے اداریاں نوں ایہو جیے بیخودا مارچ بند کرنے چاہیدے نیں تے ایناں دے خلاف قانونی کاروائی ہونی چاہیدی اے کیوں کہ اے ہر بندے نوں سمجھ آرہی اے کہ ایہو جے مارچ ساڈے معاشرے نوں گندہ کر رہے نیں ساڈیاں اگلیاں نسلاں نوں خراب کر رہے نیں اللہ پاک ساڈے ملک تے ساڈے تے اپنا کرم فرماے!