کتھے لُک گیا وزیر اعظم ؟ لداخ وچ بھارتی رسوائی تے راہول گاندھی مودی تے برس پئے

نئی دہلی: لداخ وچ چینی فوج نال جھڑپ وچ 20 بھارتی فوجیاں دی ہلاکت تے کانگریسی رہنما تے بھارتی پالیمنٹ دے رُکن راہول گاندھی وی مودی تے برس پئے۔کجھ دیر پہلاں اپنی اک ٹویٹ وچ راہول گاندھی نے لکھیا کہ وزیر اعظم کیوں نیں ؟کتھےلُک گئے نیں ؟بہت ہوگیا،سانوں وی کجھ پتہ ہونا چاہیدا اے کہ کیہ ہویا؟واضح رہوے کہ پچھلے 45 سال اندر ایہہ پہلا موقع اے کہ بھارت نوں لداخ اندر چین توں بہت وڈا نقصان ہویا اے،لیکن ایس توں بعد مودی دا کوئی وی بیان سامنے نہیں آیا،تے اوہناں دی ایس چُپ توں لگ رہیا اے کہ اوہ چین توں ڈر گئے نیں