امریکہ وچ کورونا دی صورت تحال بہتر ہوون توں پہلاں ہور خراب ہو گئی

واشنگٹن : صدر ڈونلڈ ٹرمپ نے آکھیا کہ امریکہ وچ کورونا دی صورت حال بہتر ہوون توں پہلاں ہور خراب ہو گئی ۔ڈیموکریٹ صدارتی امیدوار جوبائیڈن نے آکھیا کے اوہ جد وی صدر بنے تے مسلمانوں نوں وی اپنی انتظامیہ اندر شامل کر ن گے ۔امریکی صدر نے خبردار کیتا کہ امریکہ وچ کورونا دی صودرت حال بہتر ہوون توں پہلاں ہی ہور خراب ہو سکدی اے ۔صدر نے سب امریکی شہریاں نوں ماسک پہنن دی ہدایت کر دیاں ہوئیاں آکھیا کہ ایس نال بوہت اثر پئے گا ۔ امریکی میڈیا دے مطابق صدردے مشیراں نے اوہناں نوں نوا لہجہ اپناون دا مشورہ دتا اے ۔امریکہ وچ مزید 1ہزار119ہلاکتاں ہوون تو بعد مرن والیان کی تعداد 1لکھ 45ہزار تک پہنچ گئی اے ، مزید 67ہزار مریضاں دے نال مریضاں دی مکمل تعداد40لکھ29ہزار توں ودھ گئی۔ایدھر پنسلوانیا وچ صدراتی امیدوار جو بائیڈن نے مسلم امریکن تنظیم نال خطاب کر دیاں آکھیا کہ اگراوہ صدر منتخب ہو گئے تے مسلماناں نوں نال لے کہ چلن گے تے اوہناں نوں اپنی انتظامیہ وچ وڈے عہدے وی دیاں گے ۔اوہناں نے ہور آکھیا کہ مسلماناں تے مسلم ممالک اُتے لگی ہوئی سفری پابندیاں اپنی صدارت دے پہلے دن ہی ختم کر دیاں گے ۔جوبائیڈن نے آکھیا کہ او ساہ فام خاتون نوں اپنا نائب صدر بناون تے غور کر رہیے نیں ۔