کورونا بے قابو: اک ای دن وچ 118موتاں، 1لکھ 60ہزار 118متاثر

لہور: پاکستان وچ کورونا دے متاثرین تیزی نال ودھن لگے، ملک بھر وچ کورونا دے تصدیق شدہ کیساں دی تعداد اک لکھ 60ہزار 118تک اپڑ گئی جد کہ اک دن وچ 118بندے جاں بحق ہو گئے جہدے بعد موتاں دی تعداد3ہزار 93ہو گئی۔نیشنل کمانڈ اینڈ آپریشن سینٹر دے تازہ ترین اعدادوشمار دے مطابق پچھلے24 گھنٹیاں دے دوران 5 ہزار 358 نویںکیسز رپورٹ ہوئے، پنجاب وچ 60 ہزار 138، سندھ وچ 59 ہزار 983، خیبر پختونخوا وچ 19 ہزار 613، بلوچستان وچ 8 ہزار 794، گلگت بلتستان وچ اک ہزار 213، اسلام آباد وچ 9 ہزار 637 جد کہ آزاد کشمیر وچ 740 کیسز رپورٹ ہوئے۔ملک بھر وچ ہن تک 9 لکھ 82 ہزار 12 بندیاں دے ٹیسٹ کیتیگئے، پچھلے 24 گھنٹیاں دے دوران 31 ہزار 500 نویںٹیسٹ کیتیگئے، ہن تک 59 ہزار 215 مریض صحت یاب ہوچکے نیں جد کہکئی مریضاں دی حالت تشویشناک اے۔پاکستان وچ کورونا توںاک دن وچ 118 بندے جاں بحق ہوگئے جہدے بعد وائرس نال مرن والیاں دی تعداد 3 ہزار 93 ہوگئی۔ پنجاب وچ اک ہزار 202، سندھ وچ 916، خیبر پختونخوا وچ 755، اسلام آباد وچ 94، گلگت بلتستان وچ 18، بلوچستان وچ 93 تے آزاد کشمیر وچ 15 مریض جان توں ہتھ دھو بیٹھے۔