کنگ آف کامیڈی امان اللہ خالق حقیقی نال جا ملے

لہور: کنگ آف کامیڈی امان اللہ خالق حقیقی نال جا ملے، اہل خانہ دے مطابق امان اللہ تن مہینے پہلاں گردیاں، پھیپھڑیاں تے ساہ دی تکلیف وچ مبتلا ہوئے سن۔ اوہناں نوں کجھ دن پہلاں دوبارہ طبیعت وگڑن تے لہور دے اک نجی ہسپتال وچ داخل کرایا گیا سی جتھے اوہ اج اپنے خالق حقیقی نال جا ملے۔

پچھلے مہینے وی امان اللہ خان نوں طبیعت خراب ہون تے مقامی ہسپتال منتقل کیتا گیا سی جتھے کئی دن زیر علاج رہن دے بعد اوہناں نوں ڈسچارج کیتا گیا سی۔وزیراعظم نے معروف کامیڈین امان اللہ دے انتقال تے گہرے دکھ دا اظہار کیتا۔ عمران خان نے مرحوم دے درجات دی بلندی، لواحقین دے صبر دی دعا کیتی۔ وزیراعظم دا کہنا سی مرحوم امان اللہ سٹیج، مزاحیہ اداکاری تے ڈرامہ انڈسٹری دا قیمتی اثاثہ سن۔