ہائیکورٹ دا عمران خان دی گرفتاری نوں قنونی قرار دینا حیران کن اے،فوادچوہدری

اسلام آباد(پنجابی میڈیاگروپ)پاکستان تحریک انصاف دے رہنما فواد چوہدری نے آکھیا اے کہ اسلام آباد ہائیکورٹ ولوں عمران خان دی گرفتاری نوں قنونی قرار دینا حیران کن اے۔سماجی رابطے دی ویب سائٹ ٹوئٹر اُتے اپنے بیان وچ فواد چوہدری نے آکھیا کہ عمران خان دی ضمانت قبل از گرفتاری اُتے فیصلہ دیتیوں بغیر اوہناں دی گرفتاری غیر قنونی اے۔اوہناں نے آکھیا کہ ہائیکورٹ دے فیصلے نوں صبح سپریم کورٹ وچ چیلنج کررہے ہاں۔ایس توں پہلاں عمران خان دی گرفتاری اُتے ردعمل دیندیاں ہویاں فواد چوہدری نے آکھیا کہ القادر ٹرسٹ کوئی کیس نہیں ۔اوہناںنے آکھیاکہ حکمران چاہندے نیں کہ عمران خان نوں انتخابی مہم توں آئوٹ کردتا جائے۔