وفاقی وزیرا لیکشن اُتے اثرانداز:نگراں وزیراعظم نوں نوٹس جاری کرن دی ہدایت

اسلام آباد( پنجابی میڈیا گروپ) وفاقی وزیراں دے عام الیکشن اُتے اثر انداز ہون دے معاملے اُتے الیکشن کمیشن نے نگراں وزیراعظم نوں نوٹس جاری کرن دی ہدایت کردتی۔چیف الیکشن کمشنر دی سربراہی وچ الیکشن کمیشن دے5رکنی بینچ نے وفاقی وزیراں دے عام الیکشن اُتے اثر انداز ہون بارے کیس دی سماعت کیتی، جس وچ ایڈیشنل ایڈووکیٹ جنرل پیش ہوئے تے دسیا کہ الیکشن کمیشن نے نوٹس نہیں دتا۔الیکشن کمیشن نے نگراں وزیراعظم نوں نوٹس جاری کرن دی ہدایت کردیاں ہویاں کیس دی آئندہ سماعت منگل تک ملتوی کردتی۔