عدت کیس وچ سزا معطلی دی درخواست اُتے فیصلہ محفوظ27 جون نوں سنایا جائے گا

اسلام آباد ( بیورورپورٹ)ڈسٹرکٹ اینڈ سیشن کورٹس نے عمران خان تے بشری بی بی دی عدت وچ نکاح کیس وچ سزا معطلی دی درخواست اُتے فیصلہ محفوظ کرلیا جیہڑا27 جون نوں سنایا جائے گا۔ اسلام آباد دی ڈسٹرکٹ اینڈ سیشن کورٹس دے جج افضل مجوکا نے عمران خان تے بشری بی بی دی عدت وچ نکاح کیس وچ سزا معطلی تے مرکزی ایپلاں اُتے سماعت کیتی جس سلسلے وچ خاور مانیکا دے وکیل زاہد آصف نے دلائل د تے۔زاہد آصف نے سزا معطلی دی درخواست دی مخالفت کر دیاں ہو یاں آکھیا کہ عدالت نے ویکھنا اے کہ اپیل کنندگان دا کیس سزا معطلی دا اے یا نہیں، اپیل کنندہ دے وکیلاں نے خاور مانیکا لئی جھوٹا شخص دے الفاظ استعمال کیتے، عدالت نے ویکھنا اے کہ مفتی سعید، خاورمانیکا، عمران خان تے بشری بی بی وچوں جھوٹا کون اے وکیل نے آکھیا کہ جیہڑا انٹرویو چلایا گیا اے اوس دے حقائق توڑ موڑ کر پیش کیتے گئے، خاور مانیکا دے بیٹے نے ایسی انٹرویو وچ آکھیابانی پی ٹی آئی دا نکاح بشری بی بی نال نہیں ہویا،ایہ جھوٹا الزام اے دوران سماعت جج افضل مجوکا نے خاور مانیکا دے وکیل توں آکھیا کہ اپیل کنندگان کہندے نیں چلہ کروایا گیا جس دے بعد شکایت دائر ہوئی اوس اُتے دسن، بدنیتی دا تعلق حالات و واقعات نال ہندا اے، کیا گرفتاری دے بعد ایسے حالات نہیں سن؟ ایس اُتے وکیل نے جواب د تا کہ جی نہیں ایسے حالات نہیں سن اک تحقیقاتی ادارے ولوں تفتیش لئی گرفتار کیتا گیاسی۔جج نے سوال کیتا جدوں شکایت واپس لئی گئی تے کیس بریت دا بن دا اے جج صاحب نے کیہ لکھیا؟ ؟بعد وچ جج افضل مجوکا نے عمران خان تے بشری بی بی دی سزا معطلی دی درخواست اُتے فیصلہ محفوظ کرلیا جیہڑا 27 جون نوںسنایا جائے گا۔