پاکستان پیپلزپارٹی دا آپریشن عزم استحکام دی حمایت دا فیصلہ

اسلام آباد( بیورورپورٹ) پاکستان پیپلزپارٹی نے ملک بھر توں اَت گردی تے انتہا پسندی ختم کرن لئی آپریشن عزم استحکام دی حمایت دا فیصلہ کرلیا اے۔ذرائع مطابق پارلیمانی پارٹی اجلاس وچ عزم استحکام دا معاملہ زیر غور آیا، جس وچ پیپلزپارٹی دی قیادت تے اراکاناں نے تحفظات دے باوجود آپریشن دی حمایت دا فیصلہ کیتا اے۔پارلیمانی پارٹی نے متفقہ طور اُتے عزم استحکام آپریشن دی حمایت کیتی جدکہ پی پی نے حکومت نوں آپریشن بارے اپنے تحفظات توں وی آگاہ کردتا۔ذرائع دے مطابق پی پی قیادت نے واضح کیتا کہ عزم استحکام آپریشن اُتے فریقیاں نوں اعتماد وچ نہ لین اُتے تحفظات نیں، پی پی دے تحفظات اُتے حکومت نے فریقیاں نوں اعتماد وچ لین دی یقین دہانی کرائی۔ذرائع مطابق پیپلزپارٹی قومی سطح دے فیصلے مشاورت نال کرن دی خواہش مند اے تے انسداد دہشت گردی دے سارے اقدام دی حمایت کر دی اے کیونکہ ملک تے عوام پیپلزپارٹی دی روز اول توں اولین ترجیح رہے نیں۔