روزنامہ میڈیا نیوز دا کامیاب اجرا

مصطفیٰ ٹائون لہور وچ پنجابی زبان و ادب دے ادارے پنجاب ہائوس وچ منعقدہ تقریب وچ اہل علم و دانش دی شرکت

ظ عباس

ایس حقیقت توں انکار ممکن نہیں کہ رواں ہزاریے دے اوائل وچ صحافت کاغذ توں ٹیلی ویژن دی سکریناں تے رواں دہائی دے آغاز اُتے موبائل فون دی سکریناں اُتے منتقل ہو گئی جس پاروں ایہہ کہیا جا رہیا اے کہ پرنٹ میڈیا دا دور ختم ہو چکیا۔ پر حقیقت ایہہ وے کہ پچھلے کجھ ورھیاں دے دوران میڈیا اُتے بندشاں دے ایس دور وچ نویں اخبارات دا اجرا تازہ ہوا دے جھونکے دی مانند اے۔ لہور دے علاقے مصطفیٰ ٹائون اندر پنجاب ہائوس وچ روزنامہ میڈیا نیوز لاہور دے از سر نو اجرا دی پرتکلف تقریب دا اہتمام کیتا گیا جس وچ سیاست، ادب، ثقافت، صحافت سنے تقریباً ہر شعبہ زندگی دے نمائندیاں نے شرکت کیتی۔چوہدری اورنگزیب چونکہ میزبان سن تے اوہناں نے میزبانی دے فرائض بخوبی انجام دتے جد کہ تقریب نال ایہناں دا خطاب کرنا وی ضروری سی کیوں جے ایہناں دی ایس تقریر نال ایہناں دے صحافت دے حوالے نال آدرشاں، خواباں تے اوہناں اہداف دا تعین ہویا اے جیہڑے اوہ ایہہ اخبار جاری کر کے حاصل کرنا چاہندے نیں کیوں جے اوہ اک روایت شکن شخصیت دے حامل نیں جیہڑے عہدِ نوجوانی نال ایس سوال دے جواب وچ سرگرداں سن کہ صحافت جے ریاست دا چوتھا ستون اے تے کیہ ایہہ دعویٰ مبنی برحقیقت اے؟ ایس سوال دے ایہناں دے ذہن وچ پیدا ہون دی وجہ ایہہ سی کہ ایہناں دے مشاہدے دے مطابق ملک دا کوئی اک صحافتی ادارہ وی معروضی حقائق نوں پیش نظر رکھدے ہوئے انج دی صحافت نہیں کر رہیا جیہڑاعہدِ حاضر دے جدید تقاضیاں توں ہم آہنگ ہون دے علاوہ خدمت دے جذبے، عوام نال لگائو تے کسے نظریے دی بنیاد اُتے صحافت کر رہیا ہوئے۔ چوہدری اورنگزیب نے ایہناں ای وجوہ پاروں اپنی تقریر وچ متذکرہ بالا موضوعات اُتے کھل کے گل کیتی تے کہیا:
اللہ تبارک تعالیٰ نے دنیا و آخرت دی کامیابی دا ذریعہ دس دتا اے۔ اوہ کہندا اے کہ قسم اے عصر دے زمانے دی کہ انسان خسارے وچ اے پر اوہ لوک جیہڑے ایمان لیائے، نیک عمل کیتے تے حق تے سچ دی گل کیتی تے صبر کردے رہے۔

چوہدری اورنگزیب نے روزنامہ میڈیا نیوز دی پالیسی بیان کردے ہوئے کہیا: میڈیا نیوز دی پالیسی تے نصب العین متذکرہ بالا سطراں وچ بیان کیتی گئی آیت دے مفہوم وچ پنہاں اے۔ اوہناں نے ایہہ واضح کیتا کہ میڈیا نیوز دا مقصد کسے طور اُتے پیسہ کمانا نہیں بلکہ دنیا تے خاص طور تے اہلیان وطن نوں ملک دے ایہناں مثبت پہلوئواں نال روشناس کروانا اے جنہاں نوں ماضی وچ نظر انداز کیتا جا ندا رہیا اے۔
چوہدری اورنگزیب دے تقریب نال ولولہ انگیز خطاب نے ایہناں دی فکر نوں واضح کیتا اے کہ میڈیا نیوز قومی اتحاد، حق تے سچ دی اواز ایواناں تیکر اپڑان دا کم کرے گا تے ایہہ وطن عزیز وچ وسن والے سارے تے خاص طور تے پچھڑے ہوئے طبقات دی اواز بنے گا تے ایہناں دے مسائل حل کرن وچ پیش پیش رہوے گا۔ اوہناں نے ملک دشمن عناصر ولوں پاکستان دا چہرہ مسخ کرن دی سازشاں ولوں اشارہ کردے ہوئے کہیا، ایہہ حقیقت کسے توں پنہاں نہیں کہ دنیا وچ پاکستان دا اصل چہرہ نہیں وکھایا جاندا پر میڈیا نیوز پاکستان دے مثبت پہلو اجاگر کرے گا، چوہدری اورنگزیب نے اپنا سفرِ صحافت شروع کرن دے بارے وچ گل کردے ہوئے کہیا کہ عہد ِ طالب علمی توں ای میدان صحافت وچ آنا