لہورسنے پنجاب بھر وچ اج گرج چمک دے نال بارشاں دا امکان

لہور(پنجابی میڈیا)صوبائی دارالحکومت سنے پنجاب بھر اج گرج چمک دے نال بارشاں دی پیشگوئی کیتی گئی صوبائی ڈیزاسٹر مینجمنٹ اتھارٹی(پی ڈی ایم اے)نے طوفانی بارشاں دی پیش نظرالرٹ جاری کردتا اے۔پی ڈی ایم اے نوں آکھیا گیا اے کہ اج اتوار والے دن پنجاب وچ گرج چمک دے نال طوفانی بارش دے امکان نیں، راولپنڈی، گوجرانوالہ، لہور، فیصل آباد، سرگودھا، ڈی جی خان، ملتان، ساہیوال تے بہاولپور ڈویژن وچ بارش متوقع اے۔صوبائی ڈیزاسٹر مینجمنٹ اتھارٹی نے آکھیا اے کہ ڈی جی خان تے کوہ سلیمان دے ندی نالیاں وچ سیلاب دے امکان نیں جدکہ مری تے گلیات وچ بارش پاروں لینڈ سلائیڈنگ ہو سکدی اے، بالائی پنجاب دے ضلعیاں وچ ژالہ باری دے وی امکان نیں۔پی ڈی ایم اے ولوں ہدایت کیتی گئی اے کہ آسمانی بجلی توں بچن لئی محفوظ مقاماں اُتے رہن، عیداُتے پردیسیاں دی واپسی دا سفر موسمی تبدیلی نوں متاثر ہو سکدااے۔