ادارے اپنی حدود وچ رہن،مولانا فضل الرحمان

لہور(پنجابی میڈیا)جمعیت علمائے اسلام پاکستان دے سربراہ مولانا فضل الرحمان نے آکھیا اے کہ ساہنوں جبر دی بنیاد اُتے اک قوم نہیں بنایا جاسکدا بلکہ اخلاقی تے فکری بنیاد اُتے اک قوم رہن دتا جائے، اسیں اک ادارے دی بالادستی تسلیم نہیں کردے لہذا اپنی حدود وچ رہوو۔لہور وچ جمعیت علمائے اسلام پنجاب دی جنرل کونسل نال خطاب کردیاں ہویاں مولانا فضل الرحمان نے اسٹیبلشمنٹنوں خبردار کردیاں ہویاں آکھیا کہ ساہنوں اخلاقی تے فکری بنیاد اُتے اک قوم رہن دیو، ساہنوں جبر دی بنیاداُتے اک قوم نہیں بنایا جاسکدا، اسٹیبلشمنٹ سن لے ایہ فضل الرحمان دی وی آواز اے تے ساڈھی جماعت دی وی آواز اے۔مولانا فضل الرحمان نے کسی ادارے دا نام لیتیوں بغیر آکھیا کہ اسیں اک ادارے دی بالادستی تسلیم نہیں کردے لہذا اپنی حدود وچ رہوو، گاوں،گاوں تے دیہات وچ جا کے عوام نوں اپنے پسندیدہ لوکاں نوں ووٹ دین اُتے مجبور کیتا جاندا اے۔اونہاں نے آکھیا کہ میری جماعت نوں آکھیا جاندا اے کہ فلاں امیدوار نوں ساڈھے حق وچ بٹھائو، ساڈھے امیدواراں توں پیسے منگے جاندے نیں، اگر اسیں ثبوت پیش کیتے تے تہاڈے لئی کوئی جائے پناہ نہیں بچے گی۔اونہاں دا کہنا سی کہ خدانخواستہ میں ایس ملک نوں بنگال دے حالات وَلجاندا ویکھ رہیا ہاں، پارلیمنٹ دی حیثیت اک نمائشی ادارے دی اے، جمہوریت اپنا مقدمہ ہار رہی اے۔