انتظار اک ہور غازی علم دین شہید دا

لكهت:غلام محی الدین

پوری دنیا وچ مسلماناں دی تعداد تقریباً اک ارب 90 کروڑ دے لگ بھگ اے ایس دے علاوہ 57 ملک انج دے وی نیں جتھے مسلماناں دی اپنی حکومتاں نیں۔ مسلماناں دے کول جانثار آرمی وی اے، جدید اسلحہ وی اے سونا وی اے، تیل وی اے تے ایٹم بم وی اے۔ پر نہیں ہے تے جذبہ نہیں،اتحاد تے سلوک نہیں، ایمان دا اعلیٰ درجہ نہیں۔ دنیا دے 197 ملکاں وچ مسلمان آباد نیں تے 10 مسلمان ملک اینے طاقت ور نیں کہ جے اوہ ایکا کر لین تے دنیا دے کسے ملک نوں کیہ پوری دنیا وچ اپنی دھاک بٹھا سکدے نیں۔
دشت تو دشت دریا بھی نہ چھوڑے ہم نے
بحر ظلمات میں دوڑا دیئے گھوڑے ہم نے
پر افسوس صد افسوس ایہناں نوں آپس وچ سلوک اتفاق تے دور اک دوجے دی مخالفت توں فرصت نہیں۔ ایران ، عراق جنگ، سعودی عرب تے ایران دا تنازعہ، UAE تے کویت دی لڑائی ایہہ کوئی لُکی چھپی گلاں تے نہیں۔ ایہو وجہ اے کہ مسلمان ہر محاذ اُتے غیر مسلم توں ذلیل تے رسوا ہو رہیا اے کدی ہندوستان وچ ہندواں دے ہتھوں کشمیریاں اُتے ظلم دی انتہا کدی فلسطین اُتے اسرائیل جہے نکے ملک دی یلغار تے کدی عراق اُتے امریکی ظلم تے کدی افغانستان اُتے غیوراں دا تسلط ، انج نا اتفاقی دی سزا وی تے ہے ہن رہی سہی کسر فرانس نے پوری کر دتی۔ شان رسالت دے بارے وچ نازیبا خاکے سرکاری عمارتاں اُتے سرکاری سرپرستی وچ آویزاں کرنا ایس توں ودھ کے مسلماناں دی کیہ دل آزاری ہو سکدی اے۔ ہر مسلمان دا ایمان اے کہ خاتم النبین ، رحمت العالمین حضرت محمد ﷺ جنہاں دے بغیر ساڈا ایمان نامکمل اے ایہناں دی شان وچ گستاخی کس طرح برداشت ہو سکدی اے۔ ہر دل رو رہیا اے، تڑپ رہیا اے پر بے بس اے ۔ فرانسیسی صدر میکرون اپنی ضد اُتے قائم اے پوری دنیا دے مسلمان سراپا احتجاج کر رہے نیں پر اوہ بے غیرت نا مراد، شر پسند دے کن وچ جوں تیکر نہیں رینگ رہی۔ حالاں کے فرانس وچ مسلمان دی تعداد تقریباً 50لکھ توں ودھ اے تے ملکی آبادی دا 8.8 فیصد حصہ اے پر ایس نوں کوئی خیال نہیں، کسے دا ڈر نہیں، کوئی خوف نہیں، دنیا اج فیر کسے علم دین شہید دی تلاش تے انتظار وچ اے۔ تے انشاء اللہ انج ہوئے گا۔ تاریخ ضروری اک وار فیر دہرائے گی۔
فرانس دے صدر نے اپنے ایس ٹیچر دے قتل دا بدلہ لیا اے جیہڑا تاریخ دا استاد سی تے پیرس دے اک سکول وچ پڑھاندا سی۔ ایس نے شان رسالت دے بارے وچ خاکے کلاس وچ وکھائے تے ایس کلاس وچ مسلمان بچے وی سن ایہہ چھ اکتوبر دا واقعہ اے بالاں نے گھر آ کے اپنے والدین نوں دسیا تے فیر کسے ایمان والے دا جوش جاگیا۔ شان رسالت اُتے کٹ مرن والے نوجوان نے 16 اکتوبر نوں ایس ٹیچر نوں قتل کر دتا۔ فرانس وچ مسلم دے ہتھوں غیر مسلم دے قتل اُتے شور مچ گیا۔ ایس ٹیچر دی سرکاری طور اُتے تدفین کیتی گئی تے نال ای فرانسیسی صدر میکرون نے اعلان کیتا کہ فرانس دے دو شہراں دی سرکاری عمارتاں اُتے اوہ خاکے آویزاں کیتے جان لگے تے انج ایہہ شیطانی کھیڈ شروع ہو گیا۔ مسلماناں لئی ایہہ اک سبق وی اے تے چیلنج وی اے۔ اک غیر مسلم اُتے ایس دی گندی حرکت اُتے ایس دا قتل برداشت نہیں ہو رہیا تے پوری دنیا وچ روز کنہے مسلمان نا حق مارے جا رہے نیں ظلم و ستم دا شکار ہو رہے نیں، گھر دے گھر اجاڑے جا رہے نیں۔ مسلمان ماواں، بھیناِ دھیاں دی عزت لُتی جا رہی اے پر اسیں مسلمان چپ آں اک دن ، دو دن سڑکاں اُتے آ کے ٹی وی اُتے آ کے ، سوشل میڈیا دے ذریعے شور مچا کے اخباراں وچ بیان دے کے فرائض توں سبکدوش ہو جانے آں، اسیں مسلمان سمجھنے آں کہ ساڈی جدوجہد بس اینی سی۔
اک غیر مسلم دی صورت اُتے کس قدر شور مچ رہیا اے، ایہہ زور دار طمانچہ اے پوری دنیا اُتے اختیار رکھن والے، حکومتاں رکھن والے، تیل ایٹم بم رکھن والے، سونا تے معدنیاتا دے ذخائر رکھن والے مسلماناں دے چہرے اُتے۔ ریمنڈوس جیہڑا کہ امریکی شہری سی لہور وچ دن دیہاڑے دو پاکستانیاں نوں ہلاک کر کے جیل وچ گیا تے کس طرح فیر اوہ آزاد ہو کے اپنے ملک واپس چلا گیا کیوں جے مسلمان متحد نہیں، غیر مسلم متحد نیں تے اپنے مذہب تے شہری دی خاطر ہر کم کر گزردے نیں۔ پاکستان دی جیل وچ قید شان رسولﷺ دی گستاخ غیر مسلم پاکستانی عورت نوں کس طرح آزاد کرا کے ایس نوں تے ایس دے خاندان نوں اپنے ملک وچ لے کے گئے گلبھوشن یادیو دے بارے وچ عالمی عدالتاں وچ مقدمے چلا کے ایس دی رہائی دے رستے بنائے جا رہے کیوں جے اوہ مسلمان نہیں غیر مسلم اے مسلمان تے غیراں دیاں جیلاں وچ گناہ نہ کر کے وی سزا کٹ رہے نیں ہر تھاں ظلم و ستم دا شکار ہو رہے نیں کوئی عالمی عدالت ایہناں لئی نہیں کوئی عالمی تنظیماں ایہناں دی خاطر کجھ کرن نوں تیار نہیں کیوں جے اوہ مسلمان نیں تے مسلماناں وچ اتحاد و سلوک نہیں یکجہتی تے ایکا نہیں ایس لئی ایہناں دا کوئی رعب یا کوئی ڈر تے خوف نہیں تے ذلالت تے فیر ذلالت ہوندی اے اوہ تے فیر مل کے ای رہوے گی تنقید کرنا بوہت آسان اے، شور مچانا وی کوئی اوکھا نہیں، ٹی وی اخبار اُتے بیان دینا ای کافی نہیں عمل کرنا اے، اودوں ای کجھ بننا اے، عمارت گلاں نال نہیں میٹریل تے معمار نال ای بن دی اے۔ رہنما وی موجود نیں وسائل وی موجود نیں پر عمل نہیں ۔۔۔ خدا لئی اوہ دن کدوں آئے گا جدوں امت مسلمہ اک ہوئے گی، کلمےدے جھنڈے تھلے ۔
ایک ہو مسلم حرم کی پاسبانی کے لئے
تیل کے ساحل سے لیکر تہنمار کا سفر