ڈرامہ نویس،شاعر تے اُستاد طارق عزیز دی پہلی برسی

لہور( پنجای میڈیا گروپ)ریڈیو،ٹیلی ویژن،فلم،صحافت،ادب تے سیاست دے معروف نام تے پاکستان ٹیلی ویژن دی تریخ وچ کئی دہائیاں تک چلن والے پروگرام نیلام گھر توں شہرت پان والے میزبان طارق عزیز دی پہلی برسی منائی گئی۔(ابتدا ہے ربِّ جلیل کے بابرکت نام سے، جو دلوں کے بھید جانتا ہے، دیکھتی آنکھوں سنتے کانوں کو طارق عزیز کا سلام) ایہ الفاظ اج وی اک نسل دے ذہناں توں تر و تازہ کر دے نیں، جناں نوں سندیاں ہی طارق عزیز دے پروگرام نیلام گھر دی ابتدا یاد آجاندی اے جیہڑا پاکستان دی تریخ وچ سب توں پہلا گیم شو وی سی۔طارق عزیز28اپریل1936نوں جالندھر،برطانوی ہندوستان وچ پیدا ہوئے۔جالندھر دے آرائیں گھرانے نال اوہناں دا تعلق سی۔اوہناں دے والد میاں عبد العزیز پاکستانی1947 وچ پاکستان ہجرت کر آئے۔آپ دے والد پاکستان بنن توں دس سال پہلں ہی اپنے نام نالپاکستانی لکھدے سن۔آپ دا اپنا بچپن ساہیوال وچ گزاریا۔ طارق عزیز نے ابتدائی تعلیم ساہیوال توں ہی حاصل کیتی۔ ایس توں بعد اوہناں نے ریڈیو پاکستان لہور توں اپنی پیشہ ورانہ زندگی دا آغاز کیتا۔ جد1964وچ پاکستان ٹیلی وژن دا قیام عمل وچ آیا تے طارق عزیز پی ٹی وی دے سب توں پہلے مرد انانسرسن۔ تاہم1975وچ شروع کیتے جان والے اوہناں دے اسٹیج شو نیلام گھر نے اوہناں نوں شہرت دیاں بلندیاں اُتے پہنچا دتا۔ ایہ پروگرام کئی سال تک جاری رہیا تے ایس توں بعد وچ بزمِ طارق عزیز شو دا نام دے دتا گیا