غزل
شکیل امجد صادق
اکو سوچ وچار کے بیٹھاں
جسراں اوہنوں ہار کے بیٹھاں
ایڈا عمل تے چنگا وی نہیں
ڈُبی کسراں تار کے بیٹھاں؟
دل دی چٹی تختی اُتے
کالیاں لیکاں مار کے بیٹھاں
دنیا دکھ دی سولی خورے
ایہو گل نتار کے بیٹھاں
ککھاں وانگ حیاتی اپنی
نھیری وانگ کھلار کے بیٹھاں
اپنے آپ نوں مل کے امجد
چوکھا بھار اتار کے بیٹھاں
Users Today : 61
Users Yesterday : 665
Total Users : 726012
Views Today : 148
Total views : 11576542
Who's Online : 6
