افغانی ماواں اپنے بال ویچن اُتے مجبور نیں،دنیا مدد کرے،معید یوسف

اسلام آباد(پنجابی میڈیا گروپ)مشیر قومی سلامتی معید یوسف نے آکھیا اے کہ پاکستان افغانستان تیک امداد پہنچان لئی زمینی تے فضائی پل بنن لئی تیار اے۔امریکی خبررساں ادارے نوں دتے گئے اک انٹرویو وچ مشیر قومی سلامتی نے آکھیا اے کہ افغانستان وچ خوراک تے ادویات دی شدید قلت اے۔ افغانستان وچ صرف زندگی حاصل کرن لئی ماواں بال ویچن تے مجبور نیں۔ اوہناں نے مزیدآکھیا اے کہ افغانستان نوں امداد لئی پاکستان نے فضائی تے زمین پل بنن دی پیشکش کیتی اے۔ افغانستان نوں خوراک تے ادویات دی فراہمی لئی پاکستانی سرزمین استعمال کیتی جاسکد ی اے۔