وزیر اطلاعات پنجاب فیاض الحسن چوہان دا مریم نواز دی وی گرفتاری دا مطالبہ

لہور( پنجابی میڈیا گروپ )وزیر اطلاعات پنجاب فیاض الحسن چوہان نے مریم نواز دی وی گرفتاری دا مطالبہ کر دتا۔ اوہناں نے آکھیا کہ ساڈا مطالبہ اے کہ بیگم صفدر اعوان نوں وی بانی پاکستان دے مزار دی بے توقیری اُتے گرفتار کیتا جائے، اج کل اوہ ہر جگہ ووٹ نوں عزت دو دیاں منتاں، ترلے تے غزلاں پڑھ رہی اے۔کیپٹن (ر) صفدر دی گرفتاری اُتے وزیر اطلاعات پنجاب فیاض الحسن چوہان نے ردعمل دیندیاں آکھیا کہ مزار قائد دی دانستہ بے حرمتی دا منطقی انجام کیپٹن صفدر اعوان دی گرفتاری ای سی، بیگم صفدر اعوان نے عدالتاں تے عوام نال ذلت تے رسوائی ملن دے بعد اپنا، اپنے والد تے خاندان دا نام ووٹ رکھ لیا اے، اپنے آپ نوں عزت دین دا واویلا کرن والی مزار قائد دی بے توقیری دے باعث اطمینان جان رہی اے، بیگم صفدر اعوان نوں مزار قائد اُتے عاجزی نال پاکستان نوں لٹن تے بھارتی اسٹیبلشمنٹ دے نظریات پروان چڑھان اُتے معافی مانگنی چاہیدی سی۔