سی سی پی او لہور عمر شیخ دی خاتون نال مبینہ بدکلامی، آڈیو ساہمنے آ گئی

لہور: سی سی پی او لہور عمر شیخ دی خاتون دے نال مبینہ بدکلامی دی آڈیو ساہمنے آ گئی اے۔ آڈیو ٹیپ وچ سی سی پی او نے مبینہ طور تے آکھیا ہن اوہناں نوں فون نہ کرنا، تماشا لا رکھیا اے۔ دوجے پاسے عمر شیخ کہندے نیں آڈیو ٹیپ میرے خلاف نواں افسانہ اے۔ تفصیل دے مطابق خاتون ولوں مقدمہ درج کرن دے ذکر تے عمر شیخ بھڑک اٹھے۔ سی سی پی او دی خاتون نال بدتمیزی دی آڈیو ٹیپ منظر عام تے آ گئی۔ سی سی پی او دے نامناسب الفاظ سن دیاں ای خاتون نے فون بند کر دتا۔

پلس دے مطابق خاتون دے شوہر تے منشیات ویچن دا مقدمہ درج اے۔ خاتون ولوں سب انسپکٹر دے خلاف 30ستمبر نوں عرضی دتی گئی سی۔ ایس ایس پی عبادت نثار نے شنوائی کیتی۔ خاتون نے سی سی پی او نال ملاقات تے اصرار کیتا۔ عمر شیخ دی آڈیو ٹیپ دے بعد خاتون نے وزیراعلیٰ پنجاب توں انصاف دی اپیل کر دتی اے۔