منظر وکھائے گئے

اس ترئی غزل دا ‘مصرعہ ترا’ ہے
عمر بھر نہ اوہ ساتھوں بھلائے گئے
سکھ گھٹائے گئے، دکھ ودھائے گئے
ظلم دے ایسے منظر دکھائے گئے
نقش چیتے ‘چوں کھردے گئے، پھیر وی
عمر بھر نہ اوہ ساتھوں بھلائے گئے
پیار اینا کو دتا میرے یار نیں
پیار دے ایسے گلشن کھلائے گئے
نفرتی مارو تھل وچ وی قایم رہے
میرے دل چوں نہ یاداں دے سائے گئے
یاد کیہ، دل وی کیہ، جان تک نہ رہی
بے بسی دے اوہ عالم بنائے گئے
عمر بھر نہ اوہناں دی ملی دید، پر
عمر بھر نہ اوہ ساتھوں بھلائے گئے
دل نوں پُچھدی رہی دنیا دی بے رخی
زخم رِسدے رہے، درد ودھدی گئی
میرے یاراں نے مرہم تاں لاؤنی سی کیہ
پھمبے تیزاب دے بلکہ لائے گئے
دنیا چوہندی سی، جاواں اوہدے ساہمنے
کھل پٹھی لہاواں اوہدے ساہمنے
وعدہ اک تاں نبھاواں اوہدے ساہمنے
وعدے میرے تو ہی نہ نبھائے گئے
ایس جیون سفر وچ کنے جَنے
اپنے جلوے وکھا کے نیں تردے بنے
بھاویں سن اوہ بگانے جاں سن آپنے
عمر بھر نہ اوہ ساتھوں بھلائے گئے
درد منداں دے نغمیں بناؤنے سی میں
درد منداں دے کنیں پچاؤنے سی میں
سندھو نغمیں کیہناں نوں سناؤنے سی میں
میرے نغمیں کیہناں نوں سنائے گئے