غزل

عارف شاہ پروہنا

اج کل دے حالات کیہ دساں
آپے مار لے جھات کیہ دساں
کدوں ہونا اے پیار سویرا
کد مکنی اے رات کیہ دساں
اینیاں ایتھے اگ ورھائی
سڑدا پیا سوات کیہ دساں
مُلاں کھا گیا سارا چندہ
کنہے کھادی اے زکات کیہ دساں
آل دوالے ورھدی پئی اے
ایہ گولیاں دی برتا کیہ دساں
جرنل بن کے بھُل گیا اے
اوہنوں اوہدی اوقات کیہ دساں
لوٹا لیڈر اچکن پا کے
کیوں چلیا اے گجرات کیہ دساں
قوم ملک نوں گروی پا کے
مل دی جو خیرات کیہ دساں
ویکھ کے عارف آپے بجھ لَے
تینوں دل دی بات کیہ دساں