جدوں دا میں بابا دی گلی چوں لنگھیا

جدوں دا میں بابا دی گلی چوں لنگھیا
چشتیاں دے رنگ وچ گیا رنگیا
سوہنا گنج شکر پیا گنج ورتاندا اے
ہر کوئی جھولیاں بھر لئی جاندا اے
اوہو کجھ مِلیا جو موہنوں منگیا
چشتیاں دے رنگ وچ گیا رنگیا
نظر کرم دی بابا فرماندے نے
در اُتے آیاں تائیں کول بٹھاندے نے
بابا تیرے پیار میرا دل ڈنگیا
چشتیاں دے رنگ وچ گیا رنگیا
سخی ایں ”امیر” توں بابا ”سردار” ایں
بابا تیری گولی ہاں توں میری سرکار ایں
تیریاں غلاماں دی طفیل منگیا
چشتیاں دے رنگ وچ گیا رنگیا
رب نوں منان لئی میں تیرے کول آواں گا
عشق دے مصلےٰ تے نماز پڑھی جاواں گا
وانگ منصور جاواں سولی ٹنگیا
چشتیاں دے رنگ وچ گیا رنگیا
پیر سردار عالم در ایہہ ویکھایا اے
چشتی نظامی پٹہ میرے گل پایا اے
تائیوں ایتھوں منگیا میں نہیوں سنگیا
چشتیاں دے رنگ وچ گیا رنگیا
حق یا فرید ، فرید پُکار کے
حاجی خواجہ قطب دا نظامی نعرہ مار کے
فریدی شمع اُتوں سڑ جا پتنگیا
چشتیاں دے رنگ وچ گیا رنگیا