غزل

ارشاد کھوکھر

حال کچجے بندے نوں وی کنجراں وانگ نچاندے نیں
کم جہڑا نہیں کرنا چاہیدا اوہ وی کم کراندے نیں
ویلے اُتے زور نہ چلے وڈے وڈے بندیاں دا
شیراں نوں وی ویلے اج کل بکریا ںنال بٹھاندے نیں
سپ دا ڈنگیا بچ جاندا حالات دا ڈنگیا مشکل اے
دنیا تے پھردے بندے نوں قبراں وچ لے جاندے نیں
دیسوں کڈھ پردیس وچ رولن طاقت ور ایس دنیا تے
بن جرموں ویلے دے حاکم نوں پھانسی لٹکاندے نیں
دنیا داری چھڈ کے جہڑے کردے کم بھلائیاں دے
جنت وچ ارشادؔ اوہ لوکی اپنا گھر بنائوندے نیں