خواب اندر آمیرے ڈھولا

عبدالحمید نظامی

کدی خواب اندر تے آ میرے ڈھولا
غریباں دی قسمت جگا میرے ڈھولا
کرو اوہ نگاہواں جو جامیؒ تے ہویاں
کدی اپنا جلوہ وکھا میرے ڈھولا
خبر ساری تینوں مدینے چ ہندیاں
تیری شان صلِ علیٰ میرے ڈھولا
بڑی آس لاکے بیٹھی کدوں دی
اُڈیکاں دے ہندھ تے مُکا میرے ڈھولا
مان کسے نوں ہے علم تے زر دا
میرا کون تیرے سِوا میرے ڈھولا
بیٹھی ہاں لاکے بڑے چِر توں آساں
کدی پورے کر دل دے چا میرے ڈھولا
آواں مدینے تے پے جان ٹھنڈاں
نظامیؔ نوں چھیتی بُلا میرے ڈھولا