وفاقی حکومت دا26نومبر توں سارے تعلیمی ادارے بند کرن دااعلان

اسلام آباد(پنجابی میڈیا گروپ )وفاقی حکومت نے26نومبر توں سارے تعلیمی ادارے بند کرن دا اعلان کر دتا گیا۔ شفقت محمود نے آکھیا کہ بالاں نوں آن لائن طریقے نال تعلیم دتی جائے گی، 24 دسمبر تک گھراں وچ پڑھائی جاری رہے گی۔ وفاقی وزیر تعلیم شفقت محمود نے معاون خصوصی فیصل سلطان دے نال میڈیا نال گل بات کر دیاں آکھیا کہ 25دسمبرتوں 10جنوری تک سردی دیاں چھٹیاں ہون گیاں، 11 جنوری نوں سارے تعلیمی ادارے کھل جان گے، دسمبر وچ ہون والے امتحانات ملتوی ہوں گے۔ اوہناں نے آکھیا ہاسٹل وچ تھوڑے طلب علماں نوں رہن دی اجازت ہوئے گی، استاداں نوں بلان دا فیصلہ سکول انتظامیہ کرے گی۔شفقت محمود دا کہنا سی کہ نصاب مکمل کرن لئی گرمیاں دیاں چھٹیاں گھٹ کر دیتیاں جان گیاں، مارچ تو اپریل اندر ہون والے امتحانات مئی، جون وچ کران دی تجویز اے، استاداں نوں بلان دا فیصلہ سکول انتظامیہ کرے گی، ووکیشنل اداریاںنوں بند نہیں کر رہے، ووکیشنل اداریاں وچ تربیت دا عمل جاری رہے گا، میڈیکل تے انجینئرنگ کالج دے امتحانات وی ملتوی ہوں گے۔