موجودہ سرکار نے مایوسی دے سوا کجھ نہیں دتا: سراج الحق

مانانوالہ(پنجابی میڈیا گروپ )امیر جماعت اسلامی پاکستان سراج الحق نے آکھیا اے کہ موجودہ سرکار نے عوام نوں مہنگائی ،بیروزگاری تے مایوسی دے سوا کجھ نہیں دتا۔بین الاقوامی سطح اتے ساڈی ملک دا امیج خراب کیتا جارہیا ے۔ خارجہ پالیسی نہ ہون دے برابراے۔ دوست ملکاں نے ہتھ پچھے کردتا اے۔ جہدی وجہ توں مسلمہ کشمیر نوں وی ناقابل تلافی نقصان پہنچیا اے اپوزیشن تے سرکار صرف اپنے اپنے مفادات دی جنگ لڑ رہے نیں عوام نوں ریلیف دین دی بجائے۔ وزیراعظم عمران خان جھوٹی تسلیاں دے رہے نیں تے اپنے جھوٹھ اتے پردہ ڈالن لئی مزید عوام نوں سبز باغ وکھا کے گمراہ کر ن دی نکام کوشش کر رہے نیں۔ ایہناں خیالات داا ظہار امیر جماعت اسلامی پاکستان سراج الحق ہوراں نے مانانوالہ دے نواحی گائوں پتھر والی دے رہائشی جماعت اسلامی دے رہنما پچھلے حاجی غلام مصطفی سیان دی قیادت وچ ملن والے وفد دے نال ملاقات دے دوران کیتا۔ اوہناں نے مزیدآکھیا اے کہ جماعت اسلامی پاکستان اپوزیشن دی پارٹی اے جہڑی حقیقی معنیاں وچ ترجمان اے۔