چینی کمپنی ولوں کورونا ویکسین دا10لکھ مریضاں اُتے کامیاب تجربہ

بیجنگ( پنجابی میڈیا گروپ) چین دی دوائی بنان والی کمپنی سینو فارم نے دعوی کیتا اے کہ اوہناں دی بنائی ہوئی کورونا ویکسین 10لکھ مریضاں اُتیاستعمال کیتا گیا اے عالمی خبر رساں ادارے دے مطابق سینو فارم دے چیئرمین لی یو جنگژین نے چینی سوشل میڈیا سائٹ وی چیٹ اُتے اپنی پوسٹ وچ انکشاف کیتا اتے کہ ساڈی ویکسین نوں اجے تک تجربے دے طور اُتے10لکھ مریضاں اُتے استعمال کیتا جا چکیا اے ۔چیئرمین سینو فارم نے ہور لکھیا کہ ایہ ویکسین پوری دُنیا150ملکاں دے رضاکاراں نوں تجربے اُتے لائی گئی جد کہ چین وچ تعمیراتی ورکر، سفارت کار تے طالب علم نوں وی ایہ ویکسین دتی گئی تے اوہناں وچ کسے نوں وی کورونا نہیں ہوئیا تے نہ ہی مضر اثرات ساہمنے آئے۔