بیگم شمیم اختر دی میت پاکستان آؤن دی تریخ پتہ چلن تے پیرول تے رہائی دا فیصلہ ہووے گا: فیاض الحسن

لہور( پنجابی میڈیا گروپ) وزیر جیل خانہ جات پنجاب فیاض الحسن چوہان آکھیا اے شریف برادران دی والدہ دی میت پاکستان آؤن دی تریخ پتہ لگن تے سرکار پیرول تے رہائی دا فیصلہ کرے گی۔ فیاض الحسن چوہان نے ویڈیو پیغام وچ آکھیا اے کلثوم نواز دی وفات تے نوازشریف نوں 12دن لئی پیرول تے رہائی ملی سی۔ ڈپٹی کمشنر صرف بارہ گھنٹے لئی پیرول تے رہا کر سکدا اے، 12گھنٹے توں ودھ رہائی دا فیصلہ صوبائی حکومت کرے گی۔ اوہناں آکھیا حکومت شہباز شریف تے حمزہ شہباز نوں مکمل طور تے سہولت فراہم کرے گی کہ اوہ بیگم شمیم اختر دی نماز جنازہ تے دوجی رسومات وچ مکمل طور تے شریک ہو سکن۔