لہور وچ سی ٹی ڈی تھانے تے خودکش حملے دی کوشش نکام، اک دہشتگرد ہلاک

لہور( پنجابی میڈیا گروپ)برکی روڈ تے واقع کاؤنٹر ٹیررازم ڈیپارٹمنٹ ( سی ٹی ڈی) تھانے وچ خودکش حملہ آور نے داخل ہون دی کوشش کیتی، ایس دوران شناخت پُچھن تے دہشت گرد نے سکیورٹی اہلکاراں تے فائرنگ شروع کر دتی ۔ جوابی فائرنگ نال دہشت گرد ماریا گیا۔ ہلاک ہون والے دہشت گرد توں خودکش جیکٹ تے 2دستی بمب برآمد کر لئے گئے۔ بمب ڈسپوزل سکواڈ نے خودکش جیکٹ نوں ناکارہ بنا دتا اے، دہشت گرد دی لاش نوں میو ہسپتال دے مردہ خانے منتقل کر دتا گیا اے۔ ترجمان سی ٹی ڈی دا کہنا اے دہشت گرد تھانے تے حملہ کرنا چاہندا سی، اوہدی شناخت نہیں ہو سکی، معاملے دی تحقیقات کر رہے آں، جلد نیٹ ورک دا سراغ لا لیا جائے گا۔ دوجے پاسے لہور وچ دہشت گردی دا منصوبہ نکام بنان دے بعد داخلی و خارجی راستیاں دی سکیورٹی سختی کر دتی گئی اے۔