رانا ثنا تے جھوٹا مقدمہ بنایا گیا، ضمانت ایس گل دا ثبوت اے: شہباز شریف

لندن: مسلم لیگ (ن) دے صدر میاں شہباز شریف دا کہنا اے رانا ثنا دی ضمانت ثبوت اے کہ ایہناں تے جھوٹا مقدمہ بنایا گیا سی۔ رانا ثنا دی ضمانت تے شہباز شریف دا ردعمل دیندیاں اپنے بیان وچ کہنا سی بے گناہ بندے تے منشیات جہیا الزام لا کے میڈیا ٹرائل کیتا گیا۔ اللہ دا شکر اے بے گناہ نوں انصاف ملیا۔

اوہناں آکھیا عدلیہ تے اداریاں دی آزادی پاکستان دی ترقی تے خوشحالی دی ضمانت اے۔ ایہ گل افسوسناک اے کہ نااہل سیاسی انتقام لئی اداریاں نوں استعمال کردے نیں۔