3 مسافر ٹریناں وچ سحری تے افطاری دین دا اعلان

لہور (پنجابی میڈیا گروپ) پاکستان ریلوے دے چیف کمرشل منیجر نے لہور تے کراچی دے درمیان چلن والیاں 3 ایکسپریس مسافر ٹریناں وچ سفر کرن والے مسافراں نوں سحری تے افطاری دی سہولت فراہم کرن دے احکامات جاری کردتے نیں۔ دسیا گیا اے کہ لہور تے کراچی دے درمیان چلن والی جن مسافر ٹرینیاں وچ ایہ سہولت فراہم کیتی گئی اوہناں وچ جناح ایکسپریس،گرین ایکسپریس تے سرسید ایکسپریس شامل نیں۔ ایس سلسلے وچ مذکورہ تیناں ٹریناں وچ کیٹرنگ دے ٹھیکیدار نے افطاری تے سحری دے وقت مسافراں نوں بہترین کوالٹی دا کھانا فراہم کرن دی یقین دہانی کروائی اے۔ ایہ وی دسیا گیا اے کہ جس دا باقاعدہ نوٹیفکیشن جاری کردتا گیا اے۔