پابندیاں رنگ لے آئیاں: خیبرپختونخوا وچ کورونا کیس گھٹن لگے

پشور( پنجابی میڈیا گروپ)خیبرپختونخوا وچ کورونا اُتے قابو پان لئی پابندیاں رنگ لے آئیاں۔ صوبے وچ کورونا مثبت کیساں دی شرح گھٹن لگ پئی، مثبت کیساں دی شرح10اعشاریہ6فیصد اُتے آگئی۔ پشور دے تین وڈے ہسپتالاں وچ وی کورونا دے متاثرہ مریضاں دی تعداد گھٹ گئی۔
محکمہ صحت خیبر پختونخوا دے مطابق صوبہ بھر وچ کورونا دے مثبت کیساں دی شرح10اعشاریہ6فیصد اُتے آگئی اے۔ پشور دے وڈے ہسپتالاں وچ وی زیر علاج مریضاں دی تعداد گھٹ گئی۔ خیبر ٹیچنگ ہسپتال وچ98، حیات آباد میڈیکل کمپلیکس وچ148مریض زیرعلاج نیں۔ لیڈی ریڈنگ وچ460توں مریضاں دی تعداد گھٹ کے 310ہوگئی اے۔