وزیر چنگا کم نہیں کرن گے تے ٹیم بدلنی پئے گی، وزیراعظم

لہور( پنجابی میڈیا گروپ)وزیر اعظم عمران خان ہوراںآکھیا کہ جد تک بھارت5اگست والے اقدامات نوںواپس نہیں لیندا گل بات نہیں کراں گے۔
وزیر اعظم عمران خان نے لوکاں دے براہ راست پُچھے گئے سوالاں دے جواب دتے تے آکھیا کہ کورونا دی پہلی تے دُوجی لہر وچ قوم نے ایس او پیز اُتے عمل کیتا تے اللہ تعالی نے کرم کیتا تے اسیںپہلی تے دُوجی لہر وچ کامیابی دے نال نکل گئے، کورونا دی تیجی لہر خطرناک اے، بھارت دے حالات سب دے ساہمنے نیں، بنگلا دیش وچ وی کیس تیزی نال اُتے جارہے نیں۔
وزیراں دی کارکردگی بارے پُچھے گئے سوال اُتے وزیر اعظم نے آکھیا کہ ٹیم دے11کھیڈرای ہندے نیں سب سپراسٹار نہیں ہندے، ٹیم وچ کجھ لوگ چنگاکم کررہے نیں جیہڑا چنگا ہندا اے اوہ ساریاں نوں نظر آندا اے، کئی وزیر بہت چنگا کم کررہے نیں تے وزیر چنگا کم نہیں کرن گے تے ٹیم بدلنی پئیگی۔