چینی مہنگی کرن والیاں نوں کدی معاف نہیں کراں گا، چاہے میری حکومت کیوں نہ چلی جائے’

اسلام آباد( پنجابی میڈیا گروپ)وزیراعظم نے آکھیا کہ جناں نے چینی مہنگی کیتی اوہناں نوں معاف نہیں کراں گا، چاہے میری حکومت کیوں نہ چلی جائے، طاقتور نوں قنون دے تابع لیانا وڈا جہاد اے، کمزو ر تے طاقتور اک ہی قنون دے ساہمنے جوابدہ نیں، جسٹس منیر دے اک فیصلے نال انصاف دا نظام متاثر ہوئیا، انصاف دی حکمرانی لئی کوشش جاری رہے گی۔
عمران خان ہوراں آکھیا کہ لاک ڈان پاروں سب سے زیادہ نقصان غریب طبقہ نوں ہندا اے، قوم توں اپیل اے کہ ماسک پان تے سماجی فاصلے اُتے عمل کرن، پاکستان وچ کیس تیزی نال اوپر نہیں جا رہے جیہڑی کہ چنگی گل اے۔ ساری دنیا وچ ویکسین دی کمی ہو گئی، کوشش کر رہے آں ملک وچ ویکسین تیار کرئے، لاک ڈان نال ساڈے ورگیتے سرکاری ملازماں اُتے کوئی فرق نہیں پئیگا، لاک ڈان نال صرف مزدور متاثر ہندے نیں۔