بلاول بھٹو دی لہور وچ تنظیم سازی ہور تیز کرن دی ہدایت

را ئے ونڈ (پنجابی میڈیا گروپ)چیئرمین پیپلز پا ر ٹی بلاول بھٹو نے لہور وچ تنظیم سازی تیز کرن دی ہدایت کردتی۔ جنرل سیکرٹری لہور رانا جمیل منج نال ون ٹو ون ملاقات وچ تنظیم سازی لئی ہدایات جاری کردیاں ۔ ایس مہینے وچ پیپلز پارٹی لہور دی تنظیم سازی کرکے تنظیم نوں فعال کردتا جائے گا۔راناجمیل منج نے آکھیاکہ اپنیاں صلاحیتاں نوں بروے کار لیاندیاں ہویاں نوجوان طبقے نوں پارٹی وچ شامل کیتا جائے تاکہ نوجوان نسل نوں بھٹو ازم بارے آگاہی ہو سکے۔بلاول ہاوس بحریہ ٹائون وچ ملاقات دے دوران بلاول بھٹو زرداری ہوراں آکھیا کہ لہور بھر وچ پیپلز پارٹی دے جیالاں نوں چارج کیتا جائے تے نراض کارکناں نوں وی منایا جائے۔