اللہ کرے بائیڈن فون کر کے وزیراعظم دی پریشانی گھٹ کرن : شاہد خاقان

کراچی( پنجابی میڈیا گروپ) مسلم لیگ دے سینئر نائب صدر شاہد خاقان عباسی ہوراں آکھیا کہ اللہ کرے امریکی صدر جوبائیڈن فون کر کے وزیراعظم دی پریشانی گھٹ کرن ۔ میڈیا نال گل بات کردیاں ہویاں شاہد خاقان عباسی ہوراں آکھیا کہ ملک وچ احتساب دا عمل نام نہاد اے، نوا نیب آرڈیننس جاری ہوئیاں 4 مہینے ہو گئے نیں لیکن کسی نوں کجھ معلوم نہیں کہ کرنا کیہ اے، جس اُتے الزام لایا گیا کہ اوہ عدالتاں دے چکر لارہے نیں ، کسی نوں حق حاصل نہیں کہ جھوٹے مقدمے کیتے جان ۔ اوہناں نے آکھیا کہ نیب نے500 ارب روپے کس توں ریکور کر کے قومی خزانے وچ پائے؟ کیا نیب ہائوسنگ اسکیم لئی بنایا گیا ؟ چیئرمین نیب اج کل ڈیلی ویجز اُتے اے، چیئرمین نیب جاندیاں ہویاں ایہ دس دے جان کہ اُوہناں دے اثاثے کنے نیں۔